ԼՂՀ գերագույն դատարանում երեկ փորձ արվեց շարունակել «Սամվել Բաբայան եւ մյուսներ» քրեական գործի դատաքննությունը։ 14 ամբաստանյալներին պետք է միանար 15172րդը՝ Սասուն Աղաջանյանը, որը, ինչպես տեղեկացրել էինք, մեղսունակ էր ճանաչվել եւ Նուբարաշենի հոգեբուժարանից տարվել Ստեփանակերտ։ Այս անգամ դատական նիստի մասնակիցներին առաջինը «բաց» չթողեցին, այլ՝ ամբաստանյալներին։ Եվ բնականաբար ոչ ոք չի տեսել, թե ինչպես է դատարան բերվել Սասուն Աղաջանյանը, որը նստած էր գլուխը կախ…
Մեր տեղեկություններով Սասունն առանց օգնության չի կարող քայլել։ Այս մտահոգիչ վիճակը տեսնելով՝ փաստաբան Էդուարդ Չինարյանը միջնորդել է, որ բժիշկներ գան, փորձագետներ, տան իրենց եզրակացությունը։ Դատարանն ընդմիջել է նիստը, քանի որ ըստ նախատեսվածի, ժ. 14.00172ին տեղի բժիշկներն ու ԼՂՀ առողջապահության նախարարը պետք է դատարան գային, պատասխան տային փաստաբանի միջնորդությանը։ Մոտ 1,5 ժամ զուր սպասելուց հետո դատարանն ընդմիջել է նիստը՝ վաղը կրկին շարունակելու մտադրությամբ։ Ի դեպ, այսօր «Առավոտի» լրագրող Ռուզան Մինասյանը Արցախում է։
Դատական նիստի մասին կտեղեկացնենք վաղվա մեր համարում։
ԱՉՔԱԼՈՒՍԱՆՔ-2
Կարդացեք նաև
«Առավոտը» աչքալուսանք էր տվել սովի մատնված մեր դատավորներին, որոնք ստացել են 3 ամիսների իրենց աշխատավարձերը։ Երեկ տեղեկացանք, որ վերաքննիչի դատավորները ստացել են 1.5-2 ամսվա աշխատավարձերը։ Երեկ մեզ տխրությամբ հաղորդեցին, որ Շիրակի մարզի առաջին ատյանի դատարանի 1999 թ. նոյեմբեր-դեկտեմբերի աշխատավարձերը ոչ գիտեն՝ ուր է, որ պահանջեն, ոչ գիտեն՝ երբ կհասնի մարզ, որ ծախսեն։
Սեփ. լր.
