«Առավոտին» մի տեղեկություն էին փոխանցել, թե վերջին շրջանում Ռոբերտ Քոչարյանը զանգվածային միջոցառումներին մասնակցում է վերնաշապիկի տակից հագած զրահաբաճկոնով եւ այդպես է ներկայացել, մասնավորապես, հոկտեմբերի 27-ի զոհերի հիշատակին նվիրված երեկոյին, որը կայացավ օպերայի դահլիճում։
Չնայած այս լուրը հայտնողները կատարելապես վստահ էին դրա իսկությանը, փորձեցինք այն ճշտել նախագահի մամուլի քարտուղարի միջոցով։ Սակայն Վահե Գաբրիելյանը չգնահատեց ճշտված լուրեր հաղորդելու մեր ազնիվ մղումը եւ միմիայն ասաց. «Հրաժարվում եմ պատասխանել հիմար հարցերի»։
ՄԱՄՈՒԼԻ ՀԱՐՑ ՉԷ
Կարդացեք նաև
«Առավոտի» հարցին, թե համաձայն չէ արդյոք, որ ՀՅԴ-ն այժմ մաս է կազմում այն համակարգին, որն առաջ մերժում էր, նաեւ աչք է փակում ներկաների կատարած այն սխալների վրա, որ նախկինում խստիվ քննադատում էր՝ Շաղիկ Մարուխյանը պատասխանեց. «Այն, ինչ այս մասին մտածում եմ՝ մեր կուսակցության ներսում արտահայտում եմ։ Մամուլով չէի ուզենա լուծել այս հարցերը»։
ՆՐԱՆ ՆՈՒՅՆ ԿԵՐՊ ԸՆԴՈՒՆԵՑԻՆ ՆԱԵՎ 94-ԻՆ
Աշոտ Մանուչարյանին հաճախ են անլրջության մեջ մեղադրում։ Այդպես վարվեցին նաեւ 94-ին, երբ Աշոտ Մանուչարյանը հայտարարեց, թե ՆԳ համակարգում հատուկ բանդաներ են գործում։
ԵՎ ԴՈՒ, ԲՐՈՒՏՈՍ
Դերասան Կարեն Ջանիբեկյանը ժամանակին նկարահանվել էր դեռեւս ՀՀ նախագահի թեկնածու Ռոբերտ Քոչարյանի նախընտրական հոլովակում: Սակայն նույն Քոչարյանը, նրան՝ որպես Արկադի Վարդանյանի հրավիրած միտինգի պատվիրակ, անգամ չընդունեց էլ:
Կարեն Ջանիբեկյանի հետ հարցազրույցը կարդացեք վաղվա համարում:
