Նախագահ Ռոբերտ Քոչարյանը եւ վարչապետ Անդրանիկ Մարգարյանը Պանթեոնում Կարեն Դեմիրճյանի հուշարձանի բացման արարողությանը ներկա գտնվեցին 10-20 րոպե։ Եվ լուռ հեռացան՝ հենց որ Ամենայն Հայոց կաթողիկոսն ավարտեց իր խոսքը։ Հենց այդ պահին էլ ժողովրդի միջից սկսել էին լսվել Քոչարյանին ուղղված բացականչություններ, որոնցից ամենամեղմը «դավաճանն» էր։ «Ամո՛թ հովանավորողին,- գոռում էին կանայք։- Կառավարության անդամները Դեմիրճյանի եղո՛ւնգը չարժեն»։
ԱՌԱՆՑ ՄԵԿՆԱԲԱՆՈՒԹՅԱՆ
Հոկտեմբերի 27-ի գործի նյութերին ծանոթացածներից մեկն «Առավոտին» մի հետաքրքիր փաստի մասին վկայեց։ Պարզվում է, որ այս գործով նախկին մեղադրյալ Հարություն Հարությունյանը որոշ ցուցմունքներ է տվել, որոնք կարող էին հիմք դառնալ նրա իսկ անմիջական ղեկավարին՝ ՀԱՀ-ի տնօրենին ձերբակալելու համար։ Մասնավորապես, Հարություն Հարությունյանը չի բացառել, թե իր բջջային հեռախոսով Տիգրան Նաղդալյանը կարող էր զանգահարած լինել Նաիրի Հունանյանին։
Կարդացեք նաև
Ա. ՎԱՐԴԱՆՅԱՆԸ
ՎՏԱՆԳ Է ՏԵՍՆՈՒՄ
«Անձամբ ես որեւէ կասկած չունեմ, որ Հայաստանի Հանրապետությունը փորձում են դարձնել բռնապետություն։ Եվ այստեղ գլխավոր դերակատարներն անկասկած պարոնայք Ռոբերտ Քոչարյանն ու Սերժ Սարգսյանն են։ Ես շուրջ երկու ամիս է՝ մտել եմ քաղաքական պայքար, բայց այդ երկու ամսվա ընթացքում ո՛չ մեկը, ո՛չ մյուսը որեւէ հայտարարությամբ կամ որեւէ պատասխանով՝ ուղղված մեր մեղադրանքներին, հանդես չեն եկել։ Ես սա գնահատում եմ հիմնավորված պատասխաններ չունենալու փաստով»։ Այս հայտարարության հեղինակը դարձյալ Արկադի Վարդանյանն էր, որի հանդեպ ՆԳ աշխատակիցները ապօրինի գործողություններ են իրականացրել։
