«Ռոբերտ, դու ճիշտ չես» «Մեկ տարի է՝ ես խոսում եմ Մեղրիի փոխանակման վարկածի եւ դրա՝ որպես հոկտեմբերի 27172ի ոճրագործության հիմնական պատճառի մասին, սակայն ինձ սրա մասին ոչ ոք հարց չի տվել։ Հենց որ ասացի, որ այդ վարկածը թաքցվում է ՀՀ նախագահի կողմից միտումնաբար, ինձ սկսեցին կանչել զինդատախազություն»։ Երեկ հերթական անգամ զինդատախազություն հարցաքննության հրավիրված Աշոտ Մանուչարյանն այսպես հիմնավորեց զինդատախազության հետաքրքրությունն իր անձի հանդեպ։ Մենք նրան «ուղեկցեցինք» դատախազություն եւ ստորեւ ներկայացնում ենք Աշոտ Մանուչարյանին ուղղված բացառապես «Առավոտի» հարցերին՝ նրա պատասխանները։ Պրն Մանուչարյանն ակնկալում էր, որ հանրապետության նախագահին մեղադրելուց հետո վերջինս Ֆրանսիա կատարած ճամփորդությունից վերադառնալուց հետո «պետք է որ առաջնորդեր ճշմարտությունը պարզելու գործընթացը։ Ցավոք, վերադառնալուց հետո նա կատարել է ճիշտ հակառակ քայլերը»։ Ըստ պրն Մանուչարյանի՝ Ռոբերտ Քոչարյանը պարտադրել է զինդատախազությանը, որ այն գործի ոչ թե որպես հանցագործությունը բացահայտող, այլ որպես Մեղրիի խնդիրը հոկտեմբերի 27172ի հետ կապող մարդկանց հետապնդող մարմին։ 172 Պրն Մանուչարյան, այսինքն Ձեզ պարբերաբար զինդատախազություն կանչելը Դուք որպես հետապնդո՞ւմ եք որակում։ 172 Անկասկած։ Ամեն անգամ, երբ պետք է հանրահավաք անցկացվի, երբ պետք է հեռուստատեսությամբ ելույթ ունենամ, այդ օրվանից անընդհատ կանչում են, զբաղեցնում։ Սա հրահանգավորված է Ռոբերտ Քոչարյանի կողմից, որն այսօր ոչ թե Հայաստանի Հանրապետության նախագահն է, այլ Արեւմուտքի ներկայացուցիչը Հայաստանում։ 172 Դուք գտնում եք, որ Քոչարյանը Ձեր մեղադրանքները լո՞ւրջ է ընկալում։ Իր մամուլի խոսնակի շուրթերով նա Ձեր փաստարկները համարեց «էկզոտիկ», իսկ Հայաստանում ԱՄՆ172ի եւ Ֆրանսիայի դեսպանատները իրենց երկրների դեմ Ձեր մեղադրանքները գնահատեցին որպես «անլուրջ խոսքեր»։ 172 Եթե փորձեք կարդալ Միացյալ Նահանգների հատուկ ծառայությունների հրահանգավորման փաստաթղթերը, կգտնեք մի այսպիսի գործելակերպ. եթե իրենք իրականացնում են հատուկ օպերացիա՝ ուղղված որեւէ երկրի համակարգի քայքայմանը, եւ այդ երկրում որեւէ մեկը գլխի է ընկնում դա եւ սկսում բացահայտ խոսել, ապա առաջինը, ինչ նրանք փորձելու են անել, այդ մարդուն որպես խելքը թռցրած ներկայացնելն է։ 172 Ի՞նչ եք կարծում, Ձեզ նորի՞ց են կանչելու զինդատախազություն, թե՞ սա վերջին այցն էր։ 172 Կարծում եմ, որ անընդհատ կկանչեն։ Սա Քոչարյանի գործիքն է, որ ինձնից ժամանակ, նյարդեր խլեն։ Այսօր Սոցուժերը պետք է միտինգ անցկացնեն Ազատության հրապարակում, սակայն այն տեղի չի ունենալու։ «Պարզվում է Հայաստանի այն ծառայությունները, որոնք պիտի ապահովեին միտինգը, այսինքն՝ ՀՀ նախագահին ենթարկվող կառույցները, ի վիճակի չեն այս միջոցառումը 26172ին սպասարկել։ Այս միջոցառման հայտը մենք տվել էինք 10 օր առաջ։ Երկու օր առաջ մի այլ միջոցառման հայտ ներկայացրել է Դաշնակցությունը։ Հիմա՝ մեզ 26172ին հնարավորություն չունեն սպասարկել, իսկ Դաշնակցությանը ունեն։ Նրանց ասել են՝ այո՛, մեզ ասել են՝ ո՛չ։ Որովհետեւ մենք գործում ենք Արեւմուտքի քաղաքականությանը դեմ կոնտեքստում, իսկ Դաշնակցությանը փորձում են հարմարվել»։ Պրն Մանուչարյանն Արեւմուտքի եւ, մասնավորապես, Ռ. Քոչարյանի ջանքերը «զուր» համարեց. «Ռ. Քոչարյանը Հայաստանում այլեւս ոչ մի հեռանկար չունի»։ Միակ բանն, ըստ Ա. Մանուչարյանի, որ կարող էր անել պրն Քոչարյանը, «առանց մեծ գլխացավանքների հեռանալն էր»։ 172 Ի՞նչ եք կարծում, կդիմի՞ նախագահը դատարան՝ Ձեզ մեղադրելով զրպարտության մեջ։ 172 Ռ. Քոչարյանը կարող է փորձել անել ցանկացած բան, ինչ որ նրան էֆեկտիվ կթվա այս պահին։ Բայց նա էֆեկտիվ քայլեր չունի։ Նա դատապարտված է պարտության։ Քննություն կուզենա անցկացնել, խնդրեմ, կխոսենք փաստերով։ Պրն Մանուչարյանը ուշադրություն հրավիրեց այն հանգամանքին, որ Քոչարյանը ինքն անձամբ ոչինչ չի պնդում. դա նրա փոխարեն անում են մամլո խոսնակը, հավատարիմ մամուլը. «Ինչո՞ւ է այդպես անում. որպեսզի վաղը, մյուս օրը, երբ նրան հարց տան՝ էս ի՞նչ էիր խոսում, նա ասի՝ թարգմանությունը ճիշտ չէր»։ 172 Դուք անընդհատ Արեւմուտքի տարբերակն եք քննարկում, սակայն մոռանում եք, որ շրջանառվում է նաեւ Ռուսաստանի շահագրգռությունը հոկտեմբերի 27172ի կազմակերպման վարկածին։ 172 Գոբլի ծրագիրը Ռուսաստանի ծրագիրը չէ։ Եթե լիներ Ռուսաստանի ծրագիրը, ես այսօր կխոսեի Ռուսաստանի մասին։ Ռուսաստանը անում է քայլեր կոնտեքստից դուրս՝ Ջավախքից դիվիզիայի հրատապ դուրսբերումը եւ այլն։ Ես այդ մասին ասում եմ։ Վ. Սարգսյանն ու Կ. Դեմիրճյանը դե՞մ են եղել Գոբլի ծրագրին, թե՞ կողմ։ Եթե կողմ են եղել, Ռուսաստանի վարկածը դառնում է լուրջ վարկած, եթե եղել են դեմ՝ եղել է հակառակը։ «Առավոտի» հարցին ի պատասխան՝ պրն Մանուչարյանը հավելեց, որ իրեն է դիմել Արամ Սարգսյանը եւ առաջարկել, որ Աշոտ Մանուչարյանը մասնակցի հոկտեմբերի 27172ի գործի հասարակական քննությանը։ Մանուչարյանը տվել է իր համաձայնությունը։ 172 Ի՞նչ եք կարծում՝ Արամ Սարգսյանը կվերադառնա՞ քաղաքականություն։ 172 Իմ կարծիքով նրան պարտադրել են, եւ չեմ կարծում, որ նա դրանից հետ կանգնի։ Հարցազրույցը՝ ԼԻԼԻԹ ԱՎԱԳՅԱՆԻ