ՆՈՐ Ե՞րբ եւ ո՞ր գործիչն է այսպես պատասխանել լրագրողի այն հարցին, թե ո՞վ կարող է դառնալ դիկտատոր՝ Սահմանադրությա՞մբ առաջինը՝ Ռոբերտ Քոչարյանը, լծակներո՞վ առաջինը՝ Վազգեն Սարգսյանը, թե՞ հեղինակությամբ առաջինը՝ Կարեն Դեմիրճյանը. «Հայաստանում դիկտատուրա հաստատելու առումով նրանք լրիվ համախոհներ են եւ լրիվ միասնական են գործում։ Չեմ բացառում, որ նրանց մեջ կա սուր պայքար դիկտատոր դառնալու»։ ՆԱԽՈՐԴ «Եթե զուտ իրավաբանորեն նայենք, Ղարաբաղի անկախության հանրաքվեն եւ հռչակագիրն ավելի շատ անկախություն էր ոչ թե Ադրբեջանից, այլ… Հայաստանից, որը չի ճանաչվել Հայաստանի իշխանությունների կողմից»,- այսպես 1998-ի մարտին կատակել էր նախագահի թեկնածու Ռոբերտ Քոչարյանը։ Հայտնի է, որ յուրաքանչյուր կատակի մեջ մի փոքր կատակ կա։
