«Փեթակ» շուկայի վերաբերյալ «Առավոտի» սեպտեմբերի 27-ի հրապարակման հաջորդ օրն իսկ այնտեղ տեղադրված խաղային ավտոմատները հանել-տարել են։ Այս մասին թերթին հայտնած ընթերցողը նաեւ ասաց. «Բայց ձեր թղթակիցն արձանագրել էր, չէ՞, որ ավտոմատները կան, գործում են։ Դե, եթե պետեկամուտների նախարար Գագիկ Պողոսյանը իրոք հավասար դաշտ է փորձում ապահովել՝ թող դրանց համար չմուծված հարկերի եւ առանց լիցենզիայի գործունեության համար տույժեր եւ տուգանքներ նշանակի»։
«Փեթակի» արտոնյալ վիճակն, ի դեպ, ՀԴՄ-ների դեմ բողոքող կրպակավարներն էլ «Առավոտի» թղթակցին բացատրել էին նրանով, որ այդ շուկայի տերերից մեկը Ռոբերտ Քոչարյանի քեռին է։
ԲԱՐԵԽՈՍԵՔ ԽԵՂՃ «ՄԱՇԻՆԻՍՏԻ» ՀԱՄԱՐ
Կարդացեք նաև
Արտաշես Գեղամյանի հանդիպմանը երկաթուղայինների մշակույթի պալատում մի մարդ իրեն կոտորում էր հարց տալու համար։ Երբ վերջինիս ձայն տվեցին, պահանջեց, որ կարճ փեշով երգչուհիներին փողոցում մի ժամ խոսեցնելու փոխարեն մեր հեռուստաընկերություններն անդրադառնան վաստակավոր «մաշինիստներին», նրանց «մի հատ մեծարեն, ասուլիսներ կազմակերպեն»։
ԿԱՐԵՆ ԲԱԲԱՅԱՆԻ ԴԱՏԱՎՈՐԸ
Հավանաբար, Ստեփանակերտի նախկին քաղաքագլուխ Կարեն Բաբայանի դատավարությունը նախագահի Ստեփանակերտի դատավոր Նաիրի Հակոբյանը։ Վերջինս ԼՂՀ ԳՄ նախագահ Վարդան Հակոբյանի տղան է, Վահրամ Աղաջանյանի «դատավորը»։
