Ե՞րբ եւ ո՞ր գործիչն է ասել. «Ցեղասպանության ճանաչումը բերվել է պետական ծրագրի մեջ՝ առնվազն խոսքով, որի հետեւանքով արդեն անիմաստ է սպասելը, թե Թուրքիան ավելի բարյացակամ կլինի այսօր Հայաստանի նկատմամբ, քան էր 1991-ից հետո… Սփյուռքը շատ է խոսում, բայց ինքը, ցավոք, լուրջ չէ Ցեղասպանության ճանաչման նկատմամբ»։
ՆԱԽՈՐԴ
Դարձյալ Գեւորգ Գույումջյանը ճշգրիտ հիշեց, որ 1997-ին Պարույր Հայրիկյանն էր Արամազդ Զաքարյանին ասել. «Հիմա քեզ կգյուլլեմ, շան պես կսատկացնեմ։ Հինգ րոպե ժամանակ եմ տալիս՝ պիտի չոքես, ներողություն խնդրես ինձնից… Մեքենադ ամբողջությամբ ջարդուփշուր եմ արել, քեզ էլ հիմա սատկացնելու եմ։ Միեւնույն է, դու պիտի մեռնես եւ քեզ մեռցնողը ես եմ լինելու»։ Սա՝ պրն Զաքարյանի շարադրանքով։ Իսկ «հայրական ապտակի» հայրիկյանական շարադրանքն այսպիսին էր. «Ես ասել եմ, որ իրեն կգնդակահարեմ, եթե ինքն ինձ լրտես կոչելու համար ներողություն չխնդրի հրապարակավ»։ Հայտնի է, որ Արամազդ Զաքարյանն այդպես էլ ներողություն չխնդրեց, բայց հաջողությամբ շարունակում է կենդանի մնալ եւ տնօրինել Երեւանի տրանսպորտի ոլորտը։
