ԼՂՀ Գերագույն դատարանի դատավոր Սուրեն Ալեքսանյանը ոչ միայն թիկնոց ունի, զանգ եւ մուրճիկ, այլեւ այս օրերին «նվեր» է ստացել երկու պատկառելի… թիկնապահ։ Չնայած նա սիրում է անվերջ հպարտանալ, թե «Խազյայինը ես եմ այստեղ, վոտ տակ», սակայն պարզվում է, որ դա այնքան էլ այդպես չէ։ Ոչ մի «խազյային» թիկնապահով տուն չի գնում։
ՀԱՑԸ ԺԻՆԳՅԱԼՈՎ, ՀԱՎԸ՝ ԺՈՒՉՈԿՈՎ
Երբ «Ա1+»-ի լրագրող Մհեր Արշակյանը փորձ էր արել ոստիկանների հարեւանությամբ հպարտորեն ճեմող հավին նկարել, ոստիկանները սաստել էին, թե «էդ հինչըս անըմ, գաղտնի օբյեկտ ես նկարո՞ւմ»։
Կարդացեք նաև
– Հավը ի՞նչ օբյեկտ,- հարցրել էր Մհերն ու լռել։
Երեկ ինձ ու Մհերին մոտեցած մի լուրջ աղբյուր զարմացած հանդիմանեց նրան, թե՝ չգիտեի՞ր, որ հավի վրա ժուչոկ են դնում, որ ինչ-որ պետք է՝ լսեն…
ԿԱՐՈՂ Ա՞…
Սամվել Բաբայանը «ապօրինի» պահած զենքերի մասին խոսելով ասաց, որ Սերժ Սարգսյանից նվեր ստացած զենք էլ ունի…
ՄԻԱԿ «ԱՆԿՈՒՍԱԿՑԱԿԱՆԸ»
«Սամվել Բաբայան +14» քրգործի մեղադրականում բոլոր ամբաստանյալների տվյալների մեջ նշված է նրանց կուսակցականությունը։ Բոլորն իհարկե անկուսակցական են։ Սամվել Բաբայանի համար այդ հարցը առկախ է մնացել։ Հավանաբար չեն էլ հարցրել։
ԱՊՐԻԼԻ 3-Ի «ԻՆՔՆԱԽՈՍՏՈՎԱՆՈՒԹՅՈՒՆԸ»
Ապրիլի 3-ի ինքնախոստովանական ցուցմունքը Սամվել Բաբայանը երեկ ընդհանրապես չընդունեց, որքան էլ որ փորձ էր արվում մեղադրող тройка-ի կողմից նրա վրա բարդել այն։ Ս. Բաբայանի պաշտպանը (առաջին)՝ Ա. Գալստյանը, որը որպես վկա է հրավիրվել երեկ, անզգուշորեն բերանից թռցրեց, որ «քննիչը ասում էր ու գրում էր»։ Ամբաստանյալ Լեւոն Միրզոյանն էլ ասաց, որ ժամանակին հրաժարվել է այս պաշտպանից, որովհետեւ. «Ես ջոկալ եմ, որ քննիչ է սա եւ ոչ պաշտպան»։
ԴԵՍՊԱՆԱՏՈՒՆԸ՝ ԽՈՐՈՎԱԾԱՆՈՑ
Երեկ լրագրողներից մեկը Վ. Օսկանյանից փորձեց ճշտել՝ իրո՞ք Աշխաբադում հայկական դեսպանատան շենքում խորովածանոց է բացվել։ Պրն նախարարը հաստատեց լրագրողի ստացած տեղեկությունը։
Սեփ. լր.
