ԱԺ մի պատգամավոր, որ ներկայացնում է ՀՀԿ-ն, «Առավոտին» փոխանցեց հետեւյալ տեղեկությունը. 1994-ին, երբ նշվում էր ԵՊՀ հիմնադրման 75-ամյակը, ՌԴ-ից ժամանած հյուրերի մեջ էր նաեւ «Իմպերիալ» ընկերության նախագահ Արկադի Վարդանյանը։ Նա 10 հազար դոլար է նվիրել, որ իր անվամբ լսարան բացվի մայր բուհում։ 5-6 ամիս անց, սակայն, Արկադի Վարդանյանը հետ է պահանջել իր գումարը։ Արկադի Վարդանյանը, սակայն, մեր խնդրանքով ճշտեց, որ իրականությունն այլ է. ԵՊՀ ռեկտոր Ռադիկ Մարտիրոսյանը համալսարանի տանիքը վերանորոգելու նպատակով իրենից խնդրել է 15 հազար դոլար։
1 տարի անց պարզվել է, որ ոչ մի վերանորոգում էլ չի արվել, եւ ինքը հետ է վերցրել գումարը։ Առայժմ մեզ չի հաջողվել ստանալ Ռադիկ Մարտիրոսյանի եւ համալսարանի տանիքի մեկնաբանությունները։
ՏԱՐԲԵՐ ՔԱՇԱՅԻՆ ԿԱՐԳԵՐ
Կարդացեք նաև
Չնայած այն, ինչ տեղի է ունենում այսօրվա քաղաքական դաշտում Արշակ Սադոյանի համար «խիստ ցավալի է», բայց նրա ասելով՝ «ամենահաջողված պատմությունը մամուլում հայտնված Չաղի եւ Նիհարի պատմությունն է»։ Մեր կողմից ասենք, որ մենք պարզապես պատմությունն ենք արձանագրել, իսկ Չաղն ու Նիհարը ոչ թե մամուլում են հայտնված, այլ՝ խորհրդարանում։
ՊԱՏԱՌՈՏՎԱԾ ԴՐՈՇ
ՀՀ պետական խորհրդանշաններն են գերբը, հիմնը եւ դրոշը։ Կիեւյան եւ Հալաբյան փողոցների խաչմերուկում, Կիեւյան կամրջի գլխին մի չափազանց պատառոտված եռագույն է ծածանվում։ Հավանաբար, քաղաքապետարանի համապատասխան ծառայության աշխատակիցները պետական խորհրդանշանների արժեքը լավ չեն ընկալում։
