«Առավոտի» տեղեկությունների համաձայն՝ ՀԺԿ-ն ներկայացնող ԿԳ նախարար Էդվարդ Ղազարյանին փոխարինելու հավակնություն ունի ՀՀԿ խորհրդի անդամ Գալուստ Սահակյանը։ Վերջինս ԱԺ կրթության, գիտության եւ մշակույթի հարցերի հանձնաժողովի փոխնախագահն է եւ Էդվարդ Ղազարյանի անխոնջ քննադատը։
Այս եւ մյուս հնարավոր փոփոխությունների մասին կարդացեք էջ 2:
ԴԱՏԱՐԱՆԻ ԱՍԱԾԸ… ՕՐԵՆՔ ՉԻ
Կարդացեք նաև
Ղարաբաղի մեդալակիր դիմորդներն այս տարվա ընդունելության քննությունները հանձնել են ընդհանուր հիմունքներով, ի տարբերություն համապատասխան արտոնություն ունեցող Հայաստանի մեդալակիրների։ Այս փաստը վկայում է, որ ՀՀ ԿԳ նախարարությունն այնքան էլ լուրջ չի վերաբերվում 1989 թ. դեկտեմբերի 1-ի՝ Հայաստանի եւ Ղարաբաղի վերամիավորման մասին ԳԽ որոշմանը, որով, ի դեպ, կարեւորագույն վճիռ կայացնելիս վերջերս առաջնորդվեց ՀՀ վճռաբեկ դատարանը։
ՎԵՐԱԴԱՍԱՎՈՐՄԱՆ ՏԱՐԲԵՐԱԿ
Քաղաքական շրջանակներում լուրեր են պտտվում, թե աշնանը ԱԺ նախագահ կընտրվի Վիկտոր Դալլաքյանը, փոխնախագահ՝ Վարդան Այվազյանը (Գագիկ Ասլանյանի փոխարեն)։ Վիկտոր Դալլաքյանի սուրբ տեղը (պետաիրավական հանձնաժողովի նախագահ) կզբաղեցնի Արթուր Բաղդասարյանը։
ՀԵՏԻՆ ԽԵԼՔ
Տեղեկանալով, որ թուրքական իշխանությունները մասնավորապես Պարույր Հայրիկյանին թույլ չեն տվել բարձրանալ Արարատի գագաթը, ՀՀ նախագահի աշխատակազմի մի պաշտոնյա այսպես արտահայտեց իր ափսոսանքը. «Հիմարներ… փոխանակ թույլ չտային իջներ»։
