Ե՞րբ եւ ո՞ր գործիչն է ասել. «Վազգեն Մանուկյանը, իրավիճակի իր վերլուծության հիման վրա, հարյուր տոկոսով վստահ էր, որ ինքն արդեն նախագահ է։ Իրական արդյունքները նրան քաղաքական շոկի մեջ գցեցին, եւ նրա գործողությունները կարող են որեւէ տրամաբանական մեկնություն չունենալ»։
ՆԱԽՈՐԴ
Ընթերցողներից ոչ մեկը չմտաբերեց, որ ժողովրդի թշվառ վիճակը բնորոշող՝ «հարյուր հազարավոր կենսաթոշակառուների, անգործության դատապարտված կամ նվազագույն աշխատավարձով թշվառության մեջ թաղված բանվորների համար՝ խանութների անմատչելի լիությունը», արտահայտությունը պատկանում է ՀՅԴ Բյուրոյի անդամ Աբո Պողիկյանին, որը ելույթ է ունեցել 96-ի փետրվարի 26-ին Սան Ֆրանցիսկոյում։ Ի դեպ, ելույթը տպագրվել է 96-ի մարտի 10-ի «Առավոտ» թերթում։ Այն ժամանակ Դաշնակցությունն էր հետապնդվում իշխանության կողմից ինքնամոռաց կատաղությամբ, եւ մեր թերթն ըստ այդմ «դաշնակցականամետ» էր։ Ինչ մնում է խեղճուկրակ թոշակառուներին եւ գործազուրկ բանվորներին, ապա նրանց խնդիրները, հավանաբար, լուծվել են այն պահից, երբ ՀՅԴ-ն կանգնեց նախագահ Քոչարյանի դրոշի տակ։
