Օրերս «Առավոտում» հրապարակվել էր հոկտեմբերի 27-ի գործի մանրամասներին իրազեկ մի անձի վկայություն, ըստ որի «անհիմն» էր նաեւ Նաիրի Բադալյանի այն պնդումը, թե իրեն ձերբակալելուց շատ հետո էր Նաիրի Հունանյանն իր դեմ ցուցմունք տվել։ Նաիրի Բադալյանն այժմ եւս մեկ անգամ պնդեց, թե ավելի շուտ ցուցմունքներ չեն տրվել՝ իրեն ձերբակալել էին նոյեմբերի 1-ին, իսկ իր դեմ Նաիրի Հունանյանի «առաջին եւ միակ ցուցմունքը եղել է հունվարի 8-ին, որից հետո հրաժարվել է»։
ՍՊԱՍՈՒՄ-2
Մեր թերթն անդրադարձել է Թալինի շրջանի Պարտիզակ գյուղի ջրի խնդիրներին։ Վարչապետի աշխատակազմն արձագանքել էր հրապարակմանը, տեղում աշխատանքային խորհրդակցություն էր հրավիրել եւ, ըստ նախնական պայմանավորվածության, օգոստոսի 2-ին Պարտիզակը պետք է ջուր ունենար։ Պարտիզակն առայժմ ջուր չունի։ Կառավարությունը հիմա էլ խոստանում է, որ ջուրը կլինի օգոստոսի 11-ին։
Կարդացեք նաև
«ՀԵՏԱՔՆՆՈՂ ԼՐԱԳՐՈՂՆԵՐԻ ԸՆԿԵՐԱԿՑՈՒԹՅՈՒՆ»
Ստեղծվեց «Հետաքննող լրագրողների ընկերակցություն» հասարակական կազմակերպությունը։ Կազմակերպության նախագահ ընտրվեց հեռուստալրագրող, «Versus» ստուդիայի տնօրեն Էդիկ Բաղդասարյանը։ Կազմակերպությունը նպատակ ունի նպաստել հետաքննական լրագրության զարգացմանը, պաշտպանել լրագրողների իրավունքները, աջակցել լրագրողներին՝ իրավաբանական եւ մասնագիտական խորհրդատվություն ստանալու։ Կազմակերպության անդամ կարող են դառնալ ՀՀ եւ օտարերկրացի այն լրագրողները, ովքեր զբաղվում են հետաքննական լրագրությամբ։
