Նրանք կարող են ձեզ էլ պետք գալ
Քանի որ փաստաբան Կրոմվել Գրիգորյանի դեմ քրեական գործ է հարուցվել, նրա ծառայություններից օգտվող Ռուբեն Գեւորգյանը մի պահ, մինչեւ պարզել է, որ նա կարող է շարունակել աշխատանքը, դիմել է մեկ այլ փաստաբանի՝ Ռուբեն Սահակյանի օգնությանը։
Հիշեցնենք, որ երբ այս փաստաբանն իրականացնում էր Ալեքսան Հարությունյանի պաշտպանությունը՝ ի շարս այլ երկրապահների, Ռուբեն Գեւորգյանն էլ էր նրա վրա ճնշում գործադրել։ «Ես չեմ էլ հիշում,- մեր հիշեցմանն ի պատասխան ասաց պրն Գեւորգյանը։- Նրան դիմել եմ պարզապես որպես լավ փաստաբանի»։
ԱՎԱՐՏԻՆ ՄՈՏ
Կարդացեք նաև
Հակառակ հայաստանյան լրատվամիջոցների հաղորդումների, ըստ որոնց երեկ Արկադի Ղուկասյանի դեմ մահափորձի վերաբերյալ գործը պիտի փոխանցվեր դատարան, ԼՂՀ դատախազությունից «Ազատություն» ռ/կ-ին հայտնել են, որ այն դեռեւս չի ուղարկվել եւ «պարզ չի, երբ է ուղարկվելու։ Մեղադրական եզրակացության վրա ենք աշխատում»։
Ի դեպ, հայաստանցի եւս երկու փաստաբանների՝ Մերի Թադեւոսյանին ու Գոհար Աբրահամյանին թույլատրվել է իրականացնել Սամվել Բաբայանի պաշտպանությունը։
ԿԱՆԱՅՔ ԵՎ ՍԵՓԱԿԱՆԱՇՆՈՐՀՈՒՄԸ
Պատգամավոր չորս կանանցից երկուսը՝ Հերմինե Նաղդալյանը եւ Ալվարդ Պետրոսյանը, կողմ են քվեարկել ԲՑ-երի սեփականաշնորհմանը, Էմմա Խուդաբաշյանը՝ դեմ, իսկ Հրանուշ Հակոբյանը առաջին ընթերցմամբ նախագիծն ընդունելիս չի քվեարկել, երկրորդից արդեն բացակայել է։
