ՏՈՒԺՈՂՆԵՐԸ ԵՎ ՆՐԱՆՑ ԻՐԱՎԱՀԱՋՈՐԴՆԵՐԸ ԴԻՄՈՒՄ ԵՆ ԻՐԱՎԱԲԱՆՆԵՐԻՆ Նախկին վարչապետ Արամ Սարգսյանը հայտարարել էր, թե փաստաբանի հետ պայմանագիր է կնքելու եւ նրա միջոցով հետեւելու հոկտեմբերի 27-ի դատաքննությանը։ ՀԺԿ քաղաքական խորհրդի անդամ, ԱԺ պատգամավոր Էմմա Խուդաբաշյանն «Առավոտին» հայտնեց, որ իրենց կուսակցությունը եւս նման մտադրություն ունի։ Իրավաբանների խումբ են ստեղծել, որն այժմ քննարկում է հոկտեմբերի 27-ի գործի մասերը կարճելու վերաբերյալ զինդատախազության որոշումները վերադաս դատախազին բողոքարկելու հարցը։ Կարդացեք էջ 3։ Ո՞ՒՐ ԳՆԱ ԽՈՍՆԱԿԸ, ԱՅՍ ՏԱՐՎԱ ԱՄԱՌԸ ԱԺ որոշ պատգամավորներ հավատացած են, թե իրենց խոսնակը Ղրիմ է մեկնում հանգստանալու եւ այդ նպատակով բյուջետային միջոցներից 8 հազար դոլար է ինքն իրեն տրամադրել։ «Առավոտն» այս լուրը ճշտելու համար դիմեց ԱԺ մամուլի եւ հասարակայնության հետ կապերի վարչության պետ Սեւակ Մանուկյանին։ Նա հաստատեց, թե Արմեն Խաչատրյանը պատրաստվում է մեկնել արձակուրդ. «Սիմֆերոպոլի առողջարաններից մեկում կբուժվի. հերթական արձակուրդն է, բայց իր հաշվին՝ միանշանակ»։ ՎԵՐԱՔՎԵԱՐԿՈՒԹՅՈՒՆ ՄԻՆՉԵՎ ՎԵՐՋ Արաբկիրի թիվ 5 ընտրատարածքը շուտով կմտնի հայկական Գինեսի գրքի մեջ։ Այսպիսի թափով առանձին վերցրած մեկ ընտրատարածքում վերաքվեարկություն անցկացվել է մեկ էլ 1990 թվին՝ թիվ 40 ընտրատարածքում։ Մանրամասն 2-րդ էջում։ ՋՐԱԳԾԻՆ ԿՈՒՍԱԿՑՈՒԹՅՈՒՆՆԵՐԸ ՉԵՆ ՕԳՆՈՒՄ Թեպետ Թալինի շրջանի Պարտիզակ գյուղում գործում է յոթ կուսակցություն, գյուղապետը ՀՀԿ անդամ է, գյուղում մեծ թիվ են կազմում ՀՅԴ անդամները, բայց գյուղը ոչ խմելու ջուր ունի, ոչ էլ ոռոգման։ Ջրագիծը թղթի վրա կա, իրականության մեջ՝ ոչ։
