ԴԱՏԱՔՆՆՈՒԹՅՈՒՆԸ ԿՍԿՍՎԻ ԱՇՆԱ՞ՆԸ Այսօր, ըստ ամենայնի, կհայտարարվի հոկտեմբերի 27-ի գործով նախաքննության ավարտի մասին՝ ահաբեկչական գործողությունն իրականացնողների եւ նրանց աջակցողների մասով։ Երկուշաբթի օրվանից կսկսվի քրեական գործի նյութերին ծանոթացման գործընթացը, որը կտեւի 50 աշխատանքային օր։ ՎԵՐՋԻՆ ՄՈՀԻԿԱՆԸ Երկուշաբթի պաշտոնանկ է արվելու Պետական ռեզերվների վարչության պետ Էդուարդ Սիմոնյանցը։ «ԱՌՆԵՄ-ԹՌՆԵՄ»-Ի ՂԱՐԱԲԱՂՅԱՆ ՏԱՐԲԵՐԱԿԸ Ոչ պաշտոնական տեղեկությունների համաձայն, 1994 թ. վերջերին, ԼՂՀ-ում գործող մի շարք ձեռնարկություններ, մասնավորապես՝ «Արցախկենցաղսպասարկումը», «Զիարատ» ՍՊԸ-ն, ԼՂՀ սպառողական միությունը, ԼՂՀ ՊՊԿ նախագահ Ռ.Քոչարյանի կարգադրությամբ արտոնյալ վարկեր են ստացել, որի ընդհանուր գումարը կազմել է մոտ 22 մլն դրամ եւ 3 մլրդ ռուբլի։ Ըստ մեր աղբյուրների, հիշյալ բոլոր տնտեսվարող սուբյեկտները ժամանակի ընթացքում լուծարվել կամ պարզապես անհայտացել են՝ առանց պետական ֆինանսական միջոցները վերականգնելու։ Կարդացեք նաեւ էջ 3։ Լ ԾձիյԽԼ ԽԿծժճծԿ – ծԼԽԸԽԿլ! Վկայակոչելով քաղաքապետարանի որոշումը, ոստիկանները ստիպում են սրճարանատերերին, որ ժամը 22-ից հետո երաժշտություն չհնչի (փոխանակ հետեւեին, որ ցածր հնչի)։ Չնայած, այն սրճարանատերերը, որոնք լեզու են գտել ոստիկանների հետ, կարող են անտեսել այդ հրահանգը։
