ՆՈՐ Ե՞րբ եւ ո՞ր գործիչն է արտահայտել հետեւյալ միտքը. «Դեռ 1996-ին Վազգեն Մանուկյանի պաշտպանության մեծ հավաքի ժամանակ ես խնդրեցի հնարավորություն տալ գոնե 2 ամիս ընդդիմություն չլինել, որովհետեւ մեր կուսակցության անդամները կենցաղային տարբեր հոգսեր ունեն՝ մեկի ծորակը չի աշխատում, մեկի դուռն է պետք վերանորոգել»։ ՆԱԽՈՐԴ Մեր երեկվա վիկտորինան հատուկ հարմարեցված էր Սահմանադրության օրվան։ Զի 1995-ի հուլիսի 3-ին Գագիկ Հարությունյանն էր կանխատեսել, թե 2000 թվականին փայլուն մի պետություն կունենանք. «Սակայն կա մի շատ վճռական պայման. ինչ հաջողությունների կհասնենք Ղարաբաղի հիմնահարցի լուծման մեջ»։ Նշված պայմաններից եւ չափանիշներից դատելով՝ քանի որ 5 տարի անց Հայաստանում կյանքը, մեղմ ասած, փայլուն չէ, ուստիեւ, ըստ այդմ, Ղարաբաղի հիմնահարցի մեջ որեւէ հաջողության չենք հասել եւ մեզ չի հաջողվել քաղաքական գործընթացն ակտիվորեն առաջ տանել։