ՆՈՐ Ե՞րբ եւ որ գործիչն է արտահայտել հետեւյալ միտքը. «Բնական է, որ եթե որպես կուսակցական այր ես հանդես գալիս՝ այն ազատությունը չես կարող ունենալ, որը կարող էիր ունենալ ուղղակի անհատապես»։ ՆԱԽՈՐԴ Որեւէ ընթերցող չգուշակեց, թե ով էր այս հարցապնդման հեղինակը. «Ինչպե՞ս կարելի էր նույնիսկ ձեւականորեն դատարան չկանչել խորհրդարանի տարածք ներխուժելու կոչ անող մարդկանց, հրահրողներին եւ իսկական կազմակերպիչներին»։ Մինչդեռ 1997 թվականի օգոստոսին Պարույր Հայրիկյանի այս արտահայտությունը վկայություն է, որ քաղաքական նպատակահարմարության եւ իրավիճակի փոփոխման պատճառով ճշմարտությունը չբացահայտելը Հայաստանի իրավապահ համակարգի համար հին եւ բարի ավանդույթ է։
