Ավստրալիա մեկնած խորհրդարանական պատվիրակության անդամներից մեկը սրտի ցավով նկատեց. «Որ ասեմ կենգուրու չտեսանք, չես հավատա»։ Երեւի էկզոտիկայի պակաս չունեցող ավստրալացիները գլխի չեն ընկել, թե ինչի՞ համար էին Ավստրալիա հասել հայ խորհրդարանականները. մի կենգուրուն ի՞նչ է, որ ափսոսել են ցուցադրել։
ԺԱՄ-ԻՇԽԱՆԱՎՈՐԱԿԱՆ
Չնայած ԼՂՀ ԱԺ ընտրական մարաթոնը պաշտոնապես չի սկսվել, սակայն «Ժողովրդավարական Արցախ միության» վրա-վրա հրավիրվող հավաքները խոսում են քարոզարշավի (ակնհայտ) մասին։ Մի քանի օր առաջ ԺԱՄ-ականների 23 հոգուց բաղկացած կենտրոնական խորհուրդ ստեղծվեց։ Երեք համանախագահներից մեկը ԼՂՀ նախագահի խորհրդական Ժաննա Գալստյանն է։ Նկատենք, որ շատուշատ հասարակական կազմակերպությունների պատասխանատուներ առնվազն փոխնախարարի կամ խորհրդականի կարգավիճակ ունեցող անձինք են։
Կարդացեք նաև
«ՎԱՀՐԱՄԻ ՎՐԱ ԴՐՎԱԾ ՕՐԵՆՔՈՎ»
ԼՂՀ քր.օր. 131 հոդվածի 1-ին մասով նախատեսված տուգանքի չափը… մինչեւ երկու հարյուր դրամն է։ Պատիժ է համարվում նաեւ «հասարակական պարսավանքն ու հասարակական ներգործության միջոցների կիրառումը»։
ԿՐԿԻՆ ՓՈՐՁԻՐ
Այսօր ԼՂՀ նախագահ Արկադի Ղուկասյանը կրկին կվիրահատվի։ Փաստորեն մարտի 22-ից հետո ԼՂՀ նախագահը երրորդ անգամ կվիրահատվի։ Բժիշկների ասելով, Արկադի Ղուկասյանի վնասված ոտքի լրիվ ապաքինումը կտեւի մի քանի ամիս։
