ԼՂՀ ԱԺ պետաիրավական հանձնաժողովի նախագահ Աշոտ Սարգսյանը երեկ «Առավոտի» թղթակցին հայտնել է, որ մտադիր են դիմել ԼՂՀ գլխավոր դատախազին, ԱԺ նախագահին՝ ստեղծելու պատգամավորական խումբ՝ մարտի 22-ի գործով ձերբակալվածների մեկուսարաններ այցելելու համար։
ԼՈՏՈՅԻՆ ՍՊԱՍԵԼԻՍ
Երեկ խմբագրություն զանգահարեց կենսաթոշակառու Էռնեստ Ոսկանյանը եւ խիստ վրդովված հայտնեց. «Ոսկե դար» կոչվող լոտոյի տոմս եմ գնել, 300 դրամ եմ վճարել, հիմա էլ մեկ ժամ է ընտանիքիս հետ նստել ենք հեռուստացույցի առաջ, «Պրոմեթեւս» հեռուստաալիքն ենք դիտում եւ սպասում ենք, թե ե՞րբ ենք լոտո խաղալու։ Խաղը պետք է սկսվեր ժամը 17.00-ին։ Հերիք չէ՝ չսկսվեց, հայտարարություն էլ չարեցին՝ կլինի՞, թե՞ ոչ»։ Ի՞նչ ասենք քաղաքացի կենսաթոշակառուին՝ մի՛ խաղացեք որեւէ լոտո, բոյկոտե՛ք։ Կամ էլ հետեւեք Արշակ Սադոյանի խորհրդին. այնպիսի բարոյահոգեբանական մթնոլորտ ստեղծեք, որ լոտոները գովազդող «դերասանների երեսին հարեւանները թքեն»։
Կարդացեք նաև
ՄԵԿ՝ «ՁԵՌՔԴ ԵՏ ՏԱՐ ՑԱՎԻՍ ՎՐԱՅԻՑ», ՄԵԿ ԷԼ՝ «ՁԵՌՔ ՄԻ՛ ՏՈՒՐ»
Արցախում այս օրերին Կարմիր խաչը բաժանում է պլակատներ՝ «Ձեռք մի տուր» մակագրությամբ։ Որպեսզի պարզ լինի, թե ինչին պետք չէ ձեռք տալ, պլակատի ներքեւում նկարված են պայթուցիկ նյութեր եւ նշված է՝ «Այս իրերը պայթուցիկ են»։ Բարեբախտաբար, այդ իրերի մեջ չգտանք «10-րդ նահանգ» օրաթերթը։
