Այս օրերին լրացավ Ռոբերտ Քոչարյանի նախագահ օծվելու երկու տարին։ Մի խումբ քաղաքական գործիչների խնդրեցինք գնահատական նշանակել նախագահ Քոչարյանի երկու տարվա աշխատանքին։ Մեր զրուցակիցները միահամուռ նախագահի աշխատանքը գնահատեցին անբավարար, թեպետ նրանցից մի քանիսը չէին մոռանում իրենց թվանշանը դնելուց առաջ ընդգծել, որ երկրի վիճակն է անբավարար։
ՔԱՂԱՔԱՊԵՏԱՐԱՆ ՉԶԲԱՂՎԵԼ ՊՈԼԻՏԻԿԱՅՈՎ
Խմբագրություն զանգահարեց մի քաղաքացի եւ պատմեց, որ Երեւանի քաղաքապետարանի վերահսկողության վարչության պետ Գեւորգ Գեւորգյանը լայն քարոզչություն է ծավալել թիվ 8 ընտրատարածքում՝ պատգամավորության թեկնածու Արամայիս Ալոյանի օգտին։ Զանգահարողը, որը խուսափեց իր անունը նշել, ասաց նաեւ, որ իր տվյալներով քաղաքապետ Ա. Բազեյանը խիստ զայրացել է այս փաստով, քանի որ մինչ այդ զգուշացրել էր իր ենթականերին՝ չզբաղվել նման գործունեությամբ։
Կարդացեք նաև
ՀԱՅԿԱԿԱՆ ՑՈՒՑԱՀԱՆԴԵՍ ԵՎՐՈՊԱՌԼԱՄԵՆՏՈՒՄ
Այսօր, ապրիլի 11-ին Ստրասբուրգում՝ Եվրոպառլամենտի հսկայական շենքում, որը Եվրախորհրդի Խորհրդարանական վեհաժողովի շենքից բաժանվում է ընդամենը Լիլ գետով, կբացվի հայկական նկարների ցուցահանդես, որտեղ կներկայացվեն ինչպես հայոց վաղնջական ժամանակներն ու միջնադարը՝ այնպես էլ վերջին ժամանակներում Եվրոպայի հետ Հայաստանի հարաբերությունները նկարագրող պատկերներ։
Ցուցահանդեսը կբացի Եվրոպառլամենտի նախագահ Ն. Ֆոնտենը։ Հայաստանից ներկա կլինի ԱԺ արտաքին հարաբերությունների հանձնաժողովի նախագահ Հովհաննես Հովհաննիսյանը։
