Թերեւս նաեւ Աշոտ Մանուչարյանն էր ԱԺ փոխնախագահ Տիգրան Թորոսյանի ակնարկների հասցեատերը, քանզի «Առավոտի» հարցին ի պատասխան հիշատակեց արտահերթ նախագահական ընտրությունների կոչերի առիթով բանակցությունների մասնակից՝ քաղաքական ուժ չներկայացնող եւ խնդիրները կուլիսների ետեւում լուծող գործիչների մասին։
Պրն Թորոսյանն անդրադարձավ նաեւ ԱԺՄ առաջնորդին. «Վազգեն Մանուկյանի պահվածքը տարօրինակ է, քանի որ շատ հաճախ խոսելով այն մասին, որ քաղաքական ուժերը պետք է համագործակցեն եւ քաղաքական հարթության մեջ լուծվեն խնդիրները, այն անգամ հենց ինքը գնաց կուլիսների հետեւ եւ սկսեց ինչ-ինչ հանդիպումներ ունենալ ու բանակցություններ վարել։ Այս անգամ էլի, չգիտես որտեղից, նորից առաջացավ կառավարությունը լուծարելու միտքը, այն դեպքում, երբ այդ կուսակցությունն այնտեղ ունի նախարար»։
Կարդացեք էջ 3։
ԴԱՎԻԹ ԼՈՔՅԱՆԸ ՊԱՏԱՍԽԱՆՈՒՄ Է
Կարդացեք նաև
Էներգետիկ չարաշահումների հանձնաժողովի նախագահ, ՀՅԴ խմբակցության ղեկավար Դավիթ Լոքյանը երեկվա իր ճեպազրույցում «Առավոտի» խնդրանքով անդրադարձավ մեր թերթում տպագրված «21-րդ դար» կուսակցության տնտեսական հանձնախմբի վերլուծությանը, որում կասկածի տակ էին դրվում պրն Լոքյանի ղեկավարած հանձնաժողովի եզրակացությունները։
ԵՎՐՈՊԱԿԱՆ ԴԱՏԱՐԱՆԻՑ «ՏՂԱ» ԿԲԵՐԵՆ
Չի բացառվում, որ մեր քաղաքացիները հնարավորություն ունենան դիմելու Եվրոպական դատարան։ Տեղեկագիրը թերթելիս կարող ես հանդիպել այսպիսի վերնագրերի. «Բրայնը Անգլիայի դեմ», «Բերետոն Պորտուգալիայի դեմ» կամ… Գերմանիայի։
– Վաղը կգրեն «Կիրակոս պրոտիվ Արմենիի»։ Մենք պետք է սովորենք, որ եվրոպական մակարդակով կդրվի նաեւ այսպիսի հարցեր, երբ Հայաստանի դեմ գործ կբացի նաեւ մեր քաղաքացին եւ կշահի։ Իրեն հարգող երկիրը պիտի հարցնի,-ասաց երեկ Գ. Հարությունյանը,- արդյոք քաղաքացին սպառե՞լ էր ներպետական բոլոր հնարավորությունները։
