Վարդան Խաչատրյանը պատրաստակամություն հայտնեց ապացուցել, որ անցած օգոստոսին նախագահի միջամտությամբ էր ծխախոտ արտադրողի եւ ներմուծողի հաստատագրված վճարների 130/150 հարաբերակցությունը փոխվել 100/150-ի։ Ավելի ուշ Հայկ Բաբուխանյանը հայտարարեց, որ եթե նախագահը նման արտոնություն է տալիս, պիտի նաեւ հետեւի, որ ներդրումներն արվեն մեր պետությունում, այլ ոչ, ինչպես «Գրանդ Տոբակոյի» դեպքում՝ «շահույթը տարվի Սոչի եւ այնտեղ կազմակերպվի արտադրություն»։
ԵՐԲ ՉԿԱ ՊԱՇՏՈՆԱԿԱՆ ԼՐԱՏՎՈՒԹՅՈՒՆ
Ըստ Ստեփանակերտում շրջանառվող ոչ պաշտոնական լուրերի, Սամվել Բաբայանի դեմ քրեական գործ է հարուցվել ապօրինի զենք եւ զինամթերք պահելու մեղադրանքով։ Ըստ նույն աղբյուրների, ձերբակալվածներից մեկը խոստովանել է, որ ահաբեկչության մասնակից է։
Կարդացեք նաև
ՆՈՐԻՑ ԵՐԿՈՒՍ
«Առավոտն» արդեն հաղորդել էր, որ Պարույր Հայրիկյանը Երեւանի պետական համալսարանի իրավագիտության ֆակուլտետի հեռակա բաժնի ուսանող է։ Նրա դասախոսներից մեկը մեր թղթակցին փոքր-ինչ հնացած մի տեղեկատվություն փոխանցեց, թե պրն Հայրիկյանը տրամաբանության դիֆստուգարքից երկուս է ստացել։
21-ՐԴԸ
Անգլիայի Լիվերպուլ քաղաքում անցկացված բռնցքամարտի միջազգային վարկանիշային մրցաշարում երեւանցի 60 կգ քաշային մարզիկ Արթուր Գեւորգյանը մտավ եզրափակիչ ու արժանացավ Սիդնեյի օլիմպիական խաղերի ուղեգրին։ Արթուրը դարձավ հայաստանցի 21-րդ մարզիկը, որ իրավունք ստացավ մասնակցելու օլիմպիական խաղերին։
