ԿԸՀ-ի անդամ Սերգեյ Պողոսյանը նշանակվել է տեղեկատվության եւ գրահրատարակչության վարչության պետի տեղակալ։ Այս նշանակման շնորհիվ, հուսանք, առաջիկա ընտրությունների արդյունքների վերաբերյալ ԿԸՀ-ն էլ ավելի հավաստի տեղեկատվություններ կստանա եւ անհապաղ կգրահրատարակի դրանք։
ՎԱՏ ԼՈՒՐ
Նախագահական վերջին ընտրություններից առաջ՝ 98-ի մարտի 3-ին «Իրավունք» թերթը «չոր փաստերի լեզվով» տեղեկություններ է հրապարակել, թե նախագահի թեկնածուներից ով ինչպես է քվեարկել ԱԺ-ում «ազգային-պետական խնդիրների քննարկման ժամանակ»՝ լինելով ԱԺ պատգամավոր։ Արձանագրված է, որ, մասնավորապես, Ռոբերտ Քոչարյանը չի քվեարկել «ազգային բանակի ստեղծում» (21.01.91 թ.) օրինագծին, իսկ Արտաշես Գեղամյանը դեմ է քվեարկել կոռուպցիայի դեմ պայքարի հանձնաժողով ստեղծելու (21.04.97 թ.) առաջարկին։ «Իրավունքը» եզրակացությունները թողել է ընթերցողներին։
