Քաղաքապետարանի ներքին հրահանգը վկայակոչելով՝ սրճարաններին եւ բարերին արգելվել է իրենց շոու ծրագրերում ընդգրկել topless (առանց վերնազգեստի) պարեր։ Որպես պատճառաբանություն բերվել է այն, որ այդ պարերն անհարիր են մեր ազգային նկարագրին։ Հիրավի, ճշգրիտ դիտարկում է, բայց սա միայն կիսաքայլ է։ Մեր նկարագրին լիովին ավելի հարիր կլինի, եթե մեր իշխանավորները պարտադրեն, որ աղջիկները ձողի շուրջ պարեն ազգային տարազներով։
ՆՈՍՏԱԼԺԻ
Օրերս տարածքային կառավարման եւ քաղաքաշինության համակարգող նախարար Լեոնիդ Հակոբյանն իր օգնականներից մեկին հանձնարարել է. «Գոսպլանից թվերը վերցրու՝ տեսնենք թե միսակաթնամթերքային արտադրության ցուցանիշներն ինչպիսին էին անցած շաբաթ»։
Կարդացեք նաև
ՃՇՄԱՐԻՏ, ՃՇՄԱՐԻՏ ԵՄ ԱՍՈՒՄ
Երդվում եմ… «չհանդուրժել սուտը, կեղծիքը, բամբասանքը, մատնությունը, զրպարտությունը, անօրենությունը, արհամարհել պերճանքը, ընչասիրությունը, ցոփությունը, վանել փառասիրությունը, գոռոզամտությունը, հոխորտանքը, օտարել քծնանքը, շողոքորթությունը, երեսպաշտությունը, ոչինչ չանել շնորհակալության, երախտագիտության կամ հատուցման ակնկալիքով»։
Հայաստանի առաջին եւ երկրորդ նախագահների չիրականացած երդումների մասին կարդացեք էջ 3:
ՂԵԿԱՎԱՐՆԵՐԸ՝ ՔՐԵԱԿԱՆ ՀԵՏԱՊՆԴՄԱՆ ՏԱԿ
«Հայաստանի երեք ընդդիմադիր կուսակցությունների ղեկավարներ գտնվում են քրեական հետապնդման տակ»,- ասաց «Արմատ» հասարակական կազմակերպության ղեկավար Բաբկեն Արարքցյանը՝ ելույթ ունենալով Աշոտ Բլեյանի պաշտպանության հավաքին։
Ավելի մանրամասն՝ 2-րդ էջում։
