ՀՀ գլխավոր դատախազի մամուլի քարտուղար Գուրգեն Ամբարյանը հայտնեց, որ Բորիս Նազարյանը միայն մարտի 10-ին է ստացել Հարություն Հարությունյանի բացարկը զինդատախազությանը. «Այն ըստ օրենքի կքննարկվի եւ պատասխան կուղարկվի փաստաբաններին»։
ԱԿՆ ԸՆԴ ԱԿԱՆ
Իրենց 11-րդ համագումարին հավաքված ԱԺՄ-ականները բարձրաձայն չդժգոհեցին, սակայն նկատել էին, որ նախագահ Քոչարյանն անգամ ուղերձ չէր ուղղել իրենց։ ՀՅԴ-ի ընդհանուր ժողովին, սակայն, նախագահն առավել նրբանկատ էր գտնվել եւ ուղերձ էր հղել դաշնակցականներին։ Գուցե սա նախագահի պատասխա՞նն էր կառավարական պորտֆել ստանձնած ԱԺՄ-ին։
Կարդացեք նաև
ԱԻՄ՝ ՄԻՆՈՒՍ
ԱԻՄ-ից հեռացած Արամ Հարությունյանը պատրաստվում է ստեղծել նոր կուսակցություն, որի անվանումը պրն Հարությունյանը խնամքով թաքցնում է։ «Կուսակցության անդամները մարդիկ են, որոնք ժամանակին դուրս են եկել ԱԻՄ-ից եւ հիմա էլ շարունակում են դուրս գալ։ Ահագին մարդիկ կան նաեւ համալսարանից»։
ԱՆՁՆԱԿԱՆ ՕԳՏԱԳՈՐԾՄԱՆ ԴԱՏԱՐԱՆ… ԵՎ…
«Բայց ահա քիչ է, որ երրորդ տարին է՝ ես ունեմ անձնական օգտագործման նախաքննության մարմին՝ Երեւան քաղաքի դատախազությունը, վտանգ կա, որ կունենամ անձնական օգտագործման դատարան»,- ասաց Ա. Բլեյանը։ Իսկ թե ի՞նչ ունի նաեւ, շարունակեց. «Ունեմ մեծ պահակախումբ ու «Բրոնե-վիլիս», սեփական կամեր ու վանդակ»։
ԲԻԶՆԵՍՄԵՆՆԵՐԻ ԿՈՒՍԱԿՑՈՒԹՅՈՒՆ
Երեւանի ֆոնդային բորսայի նախագահ Սեդրակ Սեդրակյանը մտքին դրել է բոլոր բիզնեսմեններին, բոլոր խոշոր եւ միջին գործատուներին հավաքել եւ կամ նոր կուսակցություն ստեղծել, կամ էլ մտնել արդեն եղածներից նրա մեջ, որը դեռ մաքուր է։
