ԼՂՀ ԱԺ պատգամավոր, Հայկական ազգային ժողովրդավարական կուսակցության ղեկավար Մուրադ Պետրոսյանը հայտարարել է, թե «Միասնություն» դաշինքի հասցեին թույլ տալով «կոշտ ու վիրավորական արտահայտություններ»՝ Ռոբերտ Քոչարյանը վա-բանկ գնաց։ Մուրադ Պետրոսյանը կանխատեսել է, թե հանգուցալուծումը մոտ է՝ «Միասնությունն» այժմ հավանաբար կհամախմբի հակաքոչարյանական բոլոր ուժերին եւ վճռական պատասխան կտա։
ՍԱՍՏԻԿ ԿՈՄՊՐՈՄԱՏ
«Ազգային միաբանություն» կուսակցության նախագահ Արտաշես Գեղամյանը երեկ ճեպազրույցում բացահայտեց, թե «Միասնության» պահանջած հրաժարականների խորքային շարժառիթները որոնք են. «Սաստիկ վախենում են, որ հանկարծ Սերժ Սարգսյանը չհրապարակի այն բազմաթիվ նյութերը՝ թալանի, խախտումների, սպանությունների վերաբերյալ, որին նա տիրապետում է՝ լինելով ժամանակին ազգային անվտանգության նախարար»։ Սակայն չանդրադարձավ, թե ինչու Սերժ Սարգսյանը ՆԳ եւ ԱԱ նախարար եղած ժամանակ, չպիտի ընթացք տար հանցագործությունների վերաբերյալ այդ նյութերին։
Կարդացեք նաև
Կարդացեք էջ 3։
ԱԿՈՒՄԲԱԿԱՆՉ
Լիբերալ-դեմոկրատական ակումբի ղեկավար, «Ազատություն» կուսակցության նախագահ, էքս-վարչապետ Հրանտ Բագրատյանը բոլոր նրանց, ովքեր լիբերալ հայացքների կրող են, կողմնակից եւ ջատագով, առաջարկեց գալ եւ դառնալ ակումբի անդամ։ Ի դեպ, ակումբն արդեն մի քանի կլոր սեղաններ է կազմակերպել, որոնք անցնում են առանց ներկաներին ձանձրացնելու։
ԼԴ ակումբի հերթական կլոր սեղանի մասին կարդացեք 3-րդ էջում։
