«Ես շատ սիրում եմ այս կառավարությունը, բայց չեմ հավատում»,- ԱԺ-ում հայտարարեց պատգամավոր Ալվարդ Պետրոսյանը։ Չհավատալու հիմքը նրա համար ոչ թե նախարարների ազնվությունն էր (որը կասկածի տակ չէր առնում), այլ այն, որ ծրագրերն ավազի վրա են կառուցված։ «Արդյոք ճի՞շտ է քաղաքական ուժերի այսքան բարեկրթորեն իրար ձեռք սեղմելը»,- համաձայնության մթնոլորտը երեւութական անվանելով՝ ասաց տիկին Ալվարդը։ Նա վտանգ էր տեսնում, թե սոցիալական հնարավոր բունտերի պարագայում չեն գտնվի քաղաքական ուժեր, որոնք քաղաքակիրթ հուն ուղղորդեն դրանք։
ԵՍ ԱՎՏՈ ԵՄ՝ ԱՆՆԱԽԱՐԱՐ
Կառուցվածքային փոփոխությունների հետեւանքով 7 նախարարություն, փաստորեն, «կրճատվեց»։ Կրճատված նախարարություններին սպասարկած ավտոմեքենաները, սակայն, կշարունակեն «սնվել» պետբյուջեից։ Ում եւ ինչու կսպասարկեն դրանք՝ տակավին անհայտ է։
Կարդացեք նաև
ԱՆՀՈՒՅՍ ՕԲՅԵԿՏԻ ՀԱՄԱՐ՝ ԼՈՒՅՍԻ ՇՈՂ
Ֆինանսների եւ էկոնոմիկայի նախարար Լեւոն Բարխուդարյանի հավաստմամբ, փետրվարի 26-ին արտասահմանյան մի ընկերություն դիմել է Հայաստանի կառավարությանը՝ Հրազդանի ՊՇԷԿ-ի 5-րդ էներգաբլոկի սեփականաշնորհման խնդրով։
ՄՆԱՆՔ «ՆԱԻՐԻՏԻ» ԲԱՑՄԱՆՆ ՍՊԱՍՈՂ
Արդյունաբերության եւ առեւտրի նախարար Կարեն Ճշմարիտյանը տեղեկացրեց, որ երեկ վերականգնվել է «Նաիրիտի» գազամատակարարումը եւ առաջիկայում այն կվերագործարկվի։
