Իշխանական ոլորտներում փոփոխություններ անելը մինչեւ մարտի 14-ը, ըստ աստղագուշակ Զառա Մալոյանի, այնքան էլ խելամիտ քայլ չէ։ Հայաստանի նման պետության համար ներկայիս վարչապետը, նույն աղբյուրի վկայությամբ, շատ հարմար է։ Ինչ վերաբերում է նախագահին, ապա Ռոբերտ Քոչարյանի հանդեպ աստղերը մինչեւ սեպտեմբեր բարեհաճ կլինեն, եւ նա մինչեւ աշուն կմնա իր պաշտոնում։ Հետաքրքիր է, որ հենց իրենից էլ կախված կլինի՝ կշարունակի՞ պաշտոնավարել սեպտեմբերից հետո, թե՞ ոչ։ Թեեւ ով էլ լինի նրա հաջորդը, թույլ նախագահ է լինելու։ Աստղագուշակի կարծիքով՝ ով էլ լինի մեր հաջորդ նախագահը, որքան էլ ուժեղ անհատականություն լինի, միեւնույն է, նախագահ դառնալով՝ մտնելու է Հայաստանի հորոսկոպի մեջ եւ դառնալու Է թույլ նախագահ։ Որպես օրինակ բերվեց նաեւ Լեւոն Տեր-Պետրոսյանը։ «Ռոբերտ Քոչարյանը Հայաստանի համար ամենավատ տարբերակը չէ»,- եզրակացրեց տիկին Մալոյանը։
ԴԵՊԻ ԱՆԳԼԻԱ
Այն, որ արդարադատության նախարար չի լինելու Դավիթ Հարությունյանը, հաստատում է այն փաստը, որ այսօր պրն Հարությունյանն ուղեւորվելու է Անգլիա։
Կարդացեք նաև
ԱԽՐ ԵՍ ԻՆՉՊԵՍ ՎԵՐ ԿԵՆԱՄ ԳՆԱՄ
Արդարադատության նախարարության հաշվեկշռի վրա է նստած Կենտրոն եւ Նորք-Մարաշ առաջին ատյանի դատարանի շենքը, որի մի մասն էլ առոք-փառոք օգտագործում է ՆԳ տարածքային բաժինը։ Դատարանում նեղվածք է, իսկ ՆԳ բաժինը մինչեւ օրս դուրս չի եկել։ Նախարարությունների միջեւ բանակցություններ էլ չեն սկսվում, որովհետեւ ամեն մի սկիզբ համընկնում է որեւէ նախարարի պաշտոնանկ անելու հետ։
