Հինգշաբթի օրը ԱԺ պաշտոնաթերթ «Հայաստանի Հանրապետությունը» ԱԺ հոկտեմբերի 27-ի դեպքերի ժամանակ ծանր վնասվածք ստացած պատգամավոր Անդրանիկ Մանուկյանին որակել է որպես ԱԺ նիստերից անհարկի բացակայող։ Այդ առիթով պրն Մանուկյանը «Առավոտին» ասաց. «Չեմ զարմանում։ Խորհրդարանի ղեկավարությունը ոչ միայն չի հետաքրքրվում պատգամավորներից մեկի ճակատագրով, այլեւ բացարձակապես տեղյակ չէ նրա առողջական վիճակի մասին՝ դրա համար էլ այդպիսի ցինիկ որակումներ են տալիս։ Ցավոք սրտի, նրանց անտեղյակությունը իմ անձով չի սահմանափակվում»։
ՔԱՐ ԱՐՄԵՆ ԽԱՉԱՏՐՅԱՆԻ ՈՒՂՂՈՒԹՅԱՄԲ
«Իրավունք եւ միաբանություն» դաշինքի առաջնորդ Արտաշես Գեղամյանը ճեպազրույցում հայտարարեց, թե բոլորը սկսել են ամեն առիթով հիշել Վազգեն Սարգսյանին եւ Կարեն Դեմիրճյանին. «Տեղի-անտեղի ասում են՝ մենք Կարեն Սերոբիչի աշակերտն ենք եղել, իմ ուսուցի՜չը, իմ ուսուցի՜չը։ Ուզում եմ հիշեցնել, որ իր ուսուցիչը 14 տարի ղեկավարել է Հայաստանը, «ԳԱԶ-24»-ն այդպես էլ չի փոխել։ Գառաժում «Զիլ» էլ ուներ, «Չայկա» էլ»։
Կարդացեք նաև
ԿԾԱՆ ՄԻՇԱՆ ՁԵՐԲԱԿԱԼՎԵԼ Է
«Առավոտին» երեկ հասած այս լուրը հաստատեց նաեւ ՆԳ լրատվության եւ հասարակայնության կապերի վարչության պետ Ա. Վարդազարյանը։ Միշա Խուդավերդյանը, ըստ մեր տեղեկությունների, ձերբակալվել է 2000 թվականի փետրվարի 9-ին՝ իր տան դրսի պատուհանի տակ պայթեցում կազմակերպելու համար։ Փոխարենն ազատ են արձակվել Մակիչ Շահբազյանն ու Վրեժ Սահակյանը, որոնց փորձել էին խառնել սույն պայթեցման պատմության հետ։
