Էդվարդ Եգորյանի մահից հետո «Ժողովրդավարական հայրենիքի» ղեկավարի պաշտոնը տեւական ժամանակ թափուր է մնացել։ Սակայն հունվարի 29-ին կուսակցության քաղխորհրդի նիստում համագումարի նախապատրաստման կազմկոմիտե է ձեւավորվել։ Առայժմ փորձում են ճշտել «Ժողովրդավարական հայրենիքի» անդամների թվաքանակը։ Ըստ ամենայնի, համագումարը, որտեղ կուսակցության նոր նախագահ կընտրվի, կկայանա մարտի երկրորդ կեսին։
ՀԱՅՐ ԵՎ ՈՐԴՈՒ ԴԵՄ
Զինված ավազակախումբը Ստեփանակերտում հարձակվել է Սուրեն Առուշանյանին պատկանող «ԿամԱԶ»-ի վրա եւ թալանել այն։ Տուժողների նկատմամբ գործադրվել է բռնություն, հափշտակվել է 6 մլն դրամ։ Ավազակային հարձակման ենթարկվածը բանակի շտաբային վաշտի նախկին հրամանատար Սասուն Առուշանյանի հայրն է։ Վերջինս, ավելի վաղ պաշտոնապես չհրապարակված կասկածների հիման վրա, ձերբակալվել է։
Կարդացեք նաև
ԳՆԱՑԻՆ՝ ՉԵԿԱՆ
1988 թվականին ժամանակավոր այցելությամբ վիզաներ ստանալու համար Հայաստանի ԱՄՆ հյուպատոսություն է դիմել 14 հազար մարդ, 1999-ին՝ 28 հազար 500 մարդ։ Մերժում է ստացել դիմողների 56 տոկոսը։ Ժամանակավոր այցելության պատրվակով ԱՄՆ մեկնածների մոտ կեսը չի վերադառնում Հայաստան։
ՅՈԹՆՅԱԿԸ ՀԱՆԴԻՊԵՑ
Աշոտ Մանուչարյանի նախաձեռնած քաղաքական կոորդինացիոն խումբը երեկ նիստ է գումարել: Այդ խմբի մեջ են ԱԺՄ-ն, ԱԻՄ-ը, ՀՅԴ-ն, ՀԴԿ-ն, Սոցուժերի միությունը։ Քննարկվող հարցերը եւ կայացրած որոշումներն առայժմ անհայտ են, թեպետ կոորդինացիոն խորհուրդը, կարծես թե, մտադիր է ի մի գալուց հետո կլոր սեղան կազմակերպել։
