Երեկ Սամվել Բաբայանը հանդես է եկել հայտարարությամբ, որով միավորման կոչ է արել Արցախի պատերազմի վետերանների եւ «Երկրապահ» միությանը։ Նրա կարծիքով, սա կարեւոր է մանավանդ հիմա, երբ Ղարաբաղի խնդրի կարգավորումը վճռորոշ փուլ է թեւակոխել։ Սամվել Բաբայանը պատրաստակամություն է հայտնել կասեցնել իր քաղաքական գործունեությունը՝ այդ նպատակին հասնելու համար։
ՎԱՏ ԼՈՒՐ
Դեկտեմբերի կեսերին «Ար» հեռուստաընկերության տնօրեն Վահրամ Մարտիրոսյանին ՀՀ ԱԳՆ-ը առաջարկեց մասնակցել Վիեննայում անցկացվելիք երկօրյա սեմինարին՝ ԵԱՀԿ աշխատանքները լուսաբանելու խնդիրներին նվիրված։ Սակայն ստանալով «Ար»-ի տնօրենի համաձայնությունը, ԱԳՆ-ը հայտնեց, որ վերջնական թույլտվությունը պետք է տա փոխարտգործնախարար Արմեն Մարտիրոսյանը, որի հետ անհրաժեշտ է նախօրոք զրուցել։ Վահրամ Մարտիրոսյանը, գտնելով, որ ինքն առնվազն 3 անգամ ավելի պրոֆեսիոնալ լրագրող է, քան փոխարտգործնախարարը՝ դիվանացուցումներ ստանալու չգնաց եւ արդյունքում Վիեննա չմեկնեց։
