«Առավոտի» նախորդ համարում տեղեկացրել էինք, որ երեք զինվոր վթարի են ենթարկել պաշտպանության նախարար Վաղարշակ Հարությունյանի «Ջիպը», երբ նա Բրյուսելում մասնակցում էր ՆԱՏՕ-ի խորհրդաժողովին։ Օրերս նախարարի համար «Տոյոտա Լենդ Քրուզեր» մակնիշի նոր «Ջիպ» է ձեռք բերվել, որը, ըստ որոշ աղբյուրների, արժե մի քանի տասնյակ հազար դոլար։ Անփորձանք վայելում։
ՆԱԽԱԳԱՀՆ ԱՍՈՒԼԻՍ Է ՀՐԱՎԻՐԵԼՈՒ
Մոտ ժամանակներս Ռոբերտ Քոչարյանն ասուլիս է հրավիրելու, որին կմասնակցեն արդեն ոչ միայն 4 հեռուստալրագրողներ, այլեւ հիմնական լրատվամիջոցների ներկայացուցիչները։
Կարդացեք նաև
ՄՅՈՒՌՈՆՕՐՀՆԵՔԸ՝ 2001-ԻՆ
Ըստ հայոց եկեղեցու կանոնակարգի, Սուրբ մյուռոնը պատրաստվում է յուրաքանչյուր 7 տարին մեկ։ Սակայն ամեն նոր ընտրվող կաթողիկոս իր գահակալության առաջին տարվա վերջում նոր մյուռոնօրհնեք է կազմակերպում։ Ամենայն Հայոց կաթողիկոս Գարեգին Բ-ն նոր մյուռոնօրհնեքը կկատարի 2001 թվականին՝ քրիստոնեությունը պետական կրոն հռչակելու 1700-ամյակի կապակցությամբ։
ԸՆՏՐՈՒԹՅՈՒՆՆԵՐԸ՝ ՔԱՌԱՍՈՒՆՔԻՑ ՀԵՏՈ
ՀԿԿ խորհրդարանական խմբակցությունը Սերգեյ Բադալյանի մահվանից հետո մնացել է առանց ղեկավարության։ Հավանաբար եկող շաբաթ կոմունիստները խմբակցության ղեկավար կընտրեն, իսկ ՀԿԿ Կենտկոմի առաջին քարտուղարի ընտրությունները կկայանան Սերգեյ Բադալյանի մահվան 40 օրվանից հետո։ Այդ օրը լրանում է հունվարի 4-ին։
