Հանրապետության նախագահին հրաժարականի դիմում է ներկայացրել նախագահի խորհրդական Ալեքսան Հարությունյանը։ Նրա խնդրանքը նախագահը հարգել է։
Կարդացեք էջ 2:
ԻՐԵՆՔ ՔԸԽ ԵՆ, ՄԵՆՔ՝ ՊՈՒՊՈՒՇ
Կարդացեք նաև
Օրերս նշել էինք, որ Եվրախորհրդի դիտորդական առաքելությունը խիստ քննադատաբար է անդրադարձել Ադրբեջանում տեղի ունեցած տեղական ինքնակառավարման մարմինների ընտրություններին, նշելով, որ արձանագրված խախտումները կարող են ազդել արդյունքների վրա։ Դրան հակառակ, մի քանի օր առաջ Եվրախորհուրդը քննարկել է Հայաստանի տեղական ինքնակառավարման մարմինների ընտրությունների արդյունքների վերաբերյալ Եվրախորհրդի դիտորդական պատվիրակության ներկայացրած փաստաթուղթը եւ հաստատել խմբի դրական դիրքորոշումը։ Քննարկմանը Ստրասբուրգում մասնակցել է նաեւ Հայաստանի պատվիրակը՝ Շենգավիթի թաղապետ Մարտին Սարգսյանը։
ԵԿԵՂԵՑԱԿԱՆ ՆՈՐ ԿԱՆՈՆԱԴՐՈՒԹՅՈՒՆ
Ամենայն Հայոց կաթողիկոս Ն.Ս.Օ.Տ.Տ. Գարեգին Երկրորդը պատրաստվում է եկող տարվա հոկտեմբերից գործածության մեջ դնել նոր կանոնադրությունը՝ Սահմանադրությունը։ Կաթողիկոսական ընտրությունների ընթացքում պարզ դարձավ, որ ոչ բոլոր հոգեւոր հայրերն են կողմ այդ Սահմանադրությանը։
Կաթողիկոսի ասուլիսի մասին կարդացեք 3-րդ էջում։
ՆԱԽԱՐԱՐԱԿԱՆ ՀԱՆԴԻՊՈՒՄ
Ըստ որոշ լուրերի, ՀՀ արտգործնախարար Վարդան Օսկանյանն այսօր այցելելու է Թուրքիայի արտգործնախարարություն, ուր հանդիպելու է նախարար Իսմայիլ Ջեմի հետ։ Քննարկելիք հարցերի մասին տեղեկություններ սպասենք նախարարի ասուլիսից։
