Վերաքննիչ դատարանը երեկ շարունակում էր լսել «Օրագիր» թերթի գլխավոր խմբագիր Նիկոլ Փաշինյանի վերաքննիչ բողոքը Կենտրոն-Նորք Մարաշ առաջին ատյանի դատարանի որոշման դեմ։ Դատարան էին հրավիրվել գործով վկաներ՝ Հարկադիր կատարողների ծառայության Կենտրոն համայնքի ղեկավար Ստեփանյանն ու նրա օգնականը։ Վերջինս չէր ներկայացել։
Վկա Ստեփանյանը դիմելով Նիկոլ Փաշինյանին եւ դատավորին, անկեղծորեն պատմում էր, որ Փաշինյանը, ճիշտ է, իրեն չի՛ վիրավորել, բայց եթե ինքը առիթ տար, անպատճառ կվիրավորեր։ Ինչպես նշեցինք, երկրորդ վկայի՝ դատարան չներկայանալու պատճառով դատական նիստը ընդմիջվեց մինչեւ նոյեմբերի 16-ը։
ՎԱՏ ԼՈՒՐ
Կարդացեք նաև
Վարչապետ Արամ Սարգսյանը երկուշաբթի օրը հետաձգեց ԱԺ պատգամավորական խմբերի եւ խմբակցությունների հանդիպումները, իսկ երեկ ԶԼՄ-ների ղեկավարների հետ զրույցը՝ «մինչեւ կառավարության ձեւավորումը»։ Եթե երկրորդ հետաձգումը քիչ թե շատ տրամաբանական է թվում՝ պետք է ասելու բան լինի լրագրողներին, նույնիսկ չհրապարակման պայմանով, ապա առաջին հետաձգումը եւ նրա պաշտոնական պատճառաբանությունը՝ «կառավարության ձեւավորմամբ խիստ զբաղված լինելը», բավականին զավեշտական է։ Սովորաբար նախագահներն ու վարչապետները հանդիպում են պատգամավորական խմբերի հետ՝ հենց կառավարության ձեւավորման շուրջ խորհրդակցելու նպատակով։ Արդյոք քայլերի հակառակ տրամաբանությունը չի՞ վկայում, որ կադրային հարցերում ոչ վարչապետից, ոչ էլ պատգամավորներից որեւէ բան կախված չէ։
