Երեւանում ընտրված թաղապետերի կազմը միակուսակցական չէ։ Ինչպե՞ս պետք է նրանց հետ աշխատի Երեւանի քաղաքապետ Ալբերտ Բազեյանը։
Նրա կարծիքով. «Երբեւէ նման խաղաղ, հանգիստ ընտրություն չենք ունեցել, գուցե քննադատվում է, որ հասարակությունը պասիվ էր, բայց դա նորմալ երեւույթ է։ Որեւէ միջամտություն քաղաքապետարանի կառույցներից ընտրությունների վրա չի եղել։ Բազմիցս փորձել են ճշտել իմ մոտեցումներն այս կամ այն թեկնածուի վերաբերյալ, ես հայտարարել եմ, որ պատրաստ եմ աշխատելու ցանկացած ընտրված թաղապետի հետ»։ Կենտրոն համայնքի թաղապետը ՀՀՇ-ի փոխնախագահն է նաեւ, ինչպե՞ս է պատրաստվում աշխատել նրա հետ Երեւանի քաղաքապետը. «Նորմալ, կուսակցականությունը չպետք է հաշվի առնել, նրանք դառնում են պետական պաշտոնյա, կատարում են պետության կողմից իրենց վստահված լիազորությունները»։
ՄԵԿԸ ՄՅՈՒՍԻՆ ՉԻ ԽԱՆԳԱՐՈՒՄ
Կարդացեք նաև
Ի հակադրություն հոկտեմբերի 26-ի «Առավոտ»-ի տպագրած «Բարի ազատում» լուրի, ըստ որի, «Հայռուսգազարդ» ՓԲԸ գործադիր տնօրենը կազատվի աշխատանքից, ընկերությունից տեղեկացնում են, որ այժմ այնտեղ աշխատանքային մթնոլորտ է։
Գործադիր տնօրեն Ռ.Ադոնցի մոտ տեղի են ունենում խորհրդակցություններ, ուր քննարկվում են գազամատակարարման վերականգնման, անվտանգության ապահովման, վարձավճարների գանձման եւ այլ խնդիրներ։
Արդյունքների վերաբերյալ առաջիկայում «Առավոտ»-ին կտրամադրվի համապատասխան տեղեկատվություն։
«Հայռուսգազարդի» ԼԾ
