Հոգեւոր հայրերն անընդհատ շեշտում են, թե Սուրբ հոգու զորությամբ կընտրվի Ամենայն Հայոց կաթողիկոսը։ Կաթողիկոսի թեկնածու, Արարատյան Հայրապետական թեմի առաջնորդ Գարեգին արքեպիսկոպոս Ներսիսյանից «Առավոտը» փորձեց պարզել՝ Սուրբ հոգին արդեն այցելե՞լ է վերջինիս (թեպետ հայտնի է, որ տեսիլքների գծով Պարգեւ Սրբազանն է հայտնի) եւ շշնջացել է, թե ո՞վ է լինելու Վեհափառ հայրապետը. «Առաջնորդությունը Սուրբ հոգու մենք հավատում ենք, որ յուրաքանչյուր պատգամավոր կունենա, իսկ հայ եկեղեցականն այդ կոչին հետեւել է, երբ ծնրադրել է Սուրբ խորանի առջեւ եւ ձեռնադրություն է ստացել ու իր կյանքը կապել է հայ եկեղեցու հետ, այդ եկեղեցու ասպարեզում իր ծառայությունը բերելով, իր ողջ կյանքը կազմակերպելով։ … Եվ Աստված ի՞նչ ծառայության կառաջնորդի անհատին, եկեղեցականին, նա հլու-հնազանդ պետք է խոնարհվի, ինչպես Վազգեն Երջանկահիշատակ Վեհափառ հայրապետն էր ասել իր ընտրության ժամանակ. «Աստված փնտրելու ճանապարհին ես գտա Մայր Աթոռ Սուրբ Էջմիածինը եւ իմ հայրենիքը, եւ խոնարհվեցի ճակատագրի առջեւ»։ Այսպես պետք է խոնարհվել Աստծո տնօրինության առջեւ եւ շարունակել ծառայությունը։ Աստված ինչ ուզի, նա կլինի»։
«ՋՈԿՈՂՈՒԹՅՈՒՆ» ԱՐԻՆ
Ազգային-եկեղեցական ժողովը երեկ սկսեց իր ընտրական աշխատանքները։ Երեկվա օրն, ըստ օրակարգի, կոչվում էր Պատրաստության օր։ Երջանկահիշատակ Տ. Տ. Գարեգին Ա Վեհափառ Հայրապետին նվիրված սուրբ պատարագից եւ հոգեհանգստից հետո ժամը 12։00-ին սբ. Էջմիածնի նախկին մատենադարանի շենքում ճաշ տրվեց։ Ազգային-եկեղեցական ժողովի պատգամավորներին տրվել էր գազարով ու ոլոռով աղցան («Մայրաքաղաքային») ու ինչ-որ անանուն մսային կերակուրներ։ Իսկ լրագրողներին՝ չոր ու ցամաք «բուտերբրոդներ»։
Կարդացեք նաև
ՉՍՏԱՑՎԵՑ
Երեկ չկայացավ ԱԳ նախարար Վարդան Օսկանյանի եւ լրագրողների հանդիպումը։ ԱԳՆ հասարակայնության հետ կապերի վարչությունից տեղեկացանք, որ դրա պատճառը սոսկ ԱՄՆ պետքարտուղարի՝ ԱՊՀ գծով տեղակալ Սթրոուբ Թելբոթի, տարածաշրջան կատարած այցն է։ Այսօր Թելբոթը, Սթիվըն Սեստանովիչը կհանդիպեն ՀՀ նախագահի հետ։ Հանդիպմանը ներկա կլինի նաեւ Վ. Օսկանյանը։ Ավելացնենք՝ Թելբոթը նախատեսել էր նախ լինել Հայաստանում, նոր՝ Ադրբեջանում։ Սակայն Ադրբեջանի ներքին անկայուն վիճակը փոխեց նրա գրաֆիկը։
ԴԱՐԲԻՆՅԱՆԻ ԿԱԴՐԸ ՀԱՀ-ՈՒՄ
Մոտ օրերս Հայաստանի ազգային հեռուստատեսության տնօրենի տեղակալ կնշանակվի Աշոտ Մանուկյանը, որն Արմեն Դարբինյանի կառավարության աշխատակազմի ղեկավարն էր։ Ըստ ամենայնի, Աշոտ Մանուկյանը զբաղվելու է արտաքին կապերի եւ ֆինանսական հարցերով։
ԱՆՀԱՇՏ ԽՆԱՄԻՈՒԹՅՈՒՆ
Թեպետ առերեւույթ Ճաճոյանք չմասնակցեցին Վանաձորի քաղաքապետի ընտրություններին, չառաջադրելով որեւէ թեկնածու, սակայն, ըստ շշուկների, դա չխանգարեց, որպեսզի նրանք ունենան իրենց նախընտրելիներին։ Էդիկ Մարտիրոսյանը, նույն ինքը՝ Ճաճոյանց Էդոն, ըստ որոշ լուրերի, պաշտպանում էր Վարդան Բաղդասարյանի թեկնածությունը, իսկ նրա խնամին՝ փոխմարզպետ Արամ Քոչարյանը, աջակցում էր Սամվել Դարբինյանին։
Սեփ. լր.
