«Ազատություն» ռ/կ-ը երեկ հարցազրույց է հեռարձակել ԱԺ պատգամավոր, Դավիթաշենի նախկին համայնքապետ Ռուբեն Գեւորգյանի հետ։ Զրույցը, թղթակցուհու հավաստմամբ, անցել է պրն Գեւորգյանի եռահարկ առանձնատան ընդարձակ նախասրահում, որտեղ ամենուր մեծ ծաղկամաններով շքեղ ծաղկեփնջեր էին դրված։ «Իմ մականունն այնքա՜ն գեղեցիկ մականուն է։ Եթե մականունների խմբակցություն հավաքեն, իմ մականունը կծաղկի դրանց մեջ»,- ասել է նա։ Ծաղիկ Ռուբենը նաեւ իր բանաստեղծություններից հատվածներ է ասմունքել։
«Կքում ես, ինչպես լացող ուռենի
Դու իմ վեհ ու մենավոր ծաղիկ։
Սիրո տենչանքն է առկայծում աչքերիս,
Կարդացեք նաև
Երբ հիշում եմ հայացքդ գողտրիկ»։
ՎԱՏ ԼՈՒՐ
Այդ հարցազրույցում Ծաղիկ Ռուբենն այսպես է բնութագրել լրագրողներիս աշխատաոճը. «Ոնց որ մարդու մարմինն է ամբողջապես՝ մարմնի վրա մի փոքր վերք, ճանճը ո՞նց է գալիս նստում էդ վերքի վրա։ Մամուլն էլ դա է դարձել՝ ամեն լավ բանը թողնում է մի կողմ, ճանճի պես պրպտում ա էն մասը, էն թերությունը (չկա մարդ, որ թերություն չունենա) ու թերությունը ի հայտ է բերում հասարակությանը»։
