Կոմունիստ պատգամավոր Նորիկ Պետրոսյանը երկու օր շարունակ հայտարարություններ էր անում ընդդեմ Գեղարքունիքի մարզպետի։ Վերջապես կառավարության հետ հարցուպատասխանի ժամանակ վարչապետը նրան խորհուրդ տվեց. «Եթե մարզպետին չեք վստահում՝ փոխմարզպետի միջոցով լուծեք այդ հարցերը»։ Եվ բազմանշանակ լռեց։ Պատգամավորները ծիծաղեցին, իսկ Նորիկ Պետրոսյանը, որ նախապես ոտքի էր կանգնել ինչ-որ բան առարկելու համար՝ սուսուփուս նստեց։
ՀԱԿԱՌԱԿ ՎԱՐՉԱՊԵՏԻ ԿԱՄՔԻ
Հակառակ այն իրողության, որ Արաբկիրի թաղապետի նախընտրելի թեկնածուն «Միասնություն» դաշինքի համար ՀԺԿ անդամ Ֆելիքս Յայլոյանն է, երկրապահական շրջանակներին մերձ կանգնած Հովիկ Հարությունյանը, որը հանրապետության փոխզինկոմն է, պաշտպանում է թաղապետի թեկնածու առաջադրված բուդկչի Մաթոսին։ Ի դեպ, նշենք, որ վերջինս հրաժարվում է, թե ինքը բուդկաներ ունի, թեպետ ամբողջ Արաբկիրի տարածքի բնակչությունը նրան այդ անվամբ է ճանաչում։
Կարդացեք նաև
ԿՈՒՍԱԿՑԱԿԱՆ ՇԻՆԱՐԱՐՈՒԹՅՈՒՆ
Վերանորոգման աշխատանքներ են կատարվել ՍԻՄ-ի գրասենյակի միջանցքում։ Այն հիմա առավել քան բարետես է։ ՍԻՄ-ին մոտ կանգնած աղբյուրները պնդում են, թե ամբողջ միջանցքի նորոգման համար իրենցից պահանջվել է ավելի քիչ, քան 1000 դոլար։ Ի դեպ, միայն պատերին է սպիտակ փչվել, եւ նորոգվել են ծակուծուկ ունեցող լուսամուտները։
