Վարչապետը բազմիցս խոստացել էր, թե մինչեւ հոկտեմբերի 1-ը մարվելու են աշխատավարձերի, թոշակների եւ նպաստների պարտքերը։ Երեկ ԱԺ-ում Վազգեն Սարգսյանը խոստովանեց. «Աշխատավարձերը կարողացանք վճարել հոկտեմբերի 1-3-ի արանքում։ Մենք ամեն ինչ արեցինք, որ աշխատավարձերը վճարենք եւ թոշակները նմանապես։ Նպաստների հարցում ուշացումներ եղան հաշվառման պատճառով»։
ՀԻՆ ԸՆԿԵՐՆԵ՞ՐՆ ԷԼ ՉՕԳՆԵՑԻՆ ԲՈՒՌՆԱՇԻՆ
Ավարտվել է Աջափնյակի համայնքապետի ընտրության ժամանակ տեղի ունեցած իրադարձությունների առնչությամբ հարուցված քրեական գործի նախաքննությունը։ Փաստաբաններն արդեն ծանոթացել են գործի նյութերին եւ այն դատարան է փոխանցվելու։ Աշոտ Աղաբաբյանին առաջադրվել է 9 մեղադրանք՝ քրեական օրենսգրքի 7 տարբեր հոդվածներով։
Կարդացեք նաև
ԱՎԵԼԻ ՓՈՔՐ ԲԱԺԱԿՈՎ, ԲԱՅՑ ՄԵԾ ՍՐՏՈՎ
Անցած տարի պետբյուջեից օժանդակություն ստացած թերթերը շուրջ 40-ն էին, որոնց միջեւ բաշխվեց 70 մլն դրամը։ Այս տարի առաջարկվել է 60 մլն դրամ գումարը բաշխել 60-ից ավելի պարբերականների եւ ռադիոհեռուստատեսային լրատվամիջոցների միջեւ։ «Ես հասկանում եմ, որ այդ օժանդակությամբ դժվար թե մենք շատ օգուտ տանք, բայց սա պետության վերաբերմունքն է անկախ մամուլի նկատմամբ»,- ասաց տեղեկատվության եւ գրահրատարակչության վարչության պետ Էդվարդ Միլիտոնյանը։
ՍԴ-ՈՒՄ ԷԼ Է ՏՂԱ ԾՆՎՈՒՄ
Ընդմիջման ժամանակ դատավարական համերաշխության անօրինակ դրսեւորման ականատես դարձանք ՍԴ բուֆետում։ Համերաշխության առիթն այս անգամ ՍԴ անդամ Ռաֆայել Պապայանի տղա թոռ ունենալն էր։ Շնորհավորում ենք։
