«Մտադի՞ր եք արդյոք աղետի գոտու վերակառուցումն ավարտել հենց այս կառավարության հետ»,- լրագրողներից մեկի հարցին նախագահ Ռոբերտ Քոչարյանը պատասխանեց. «Այո, ես կարծում եմ, որ այս կառավարությունը երկար պետք է աշխատի, ընդհանրապես ճիշտ չի հաճախ փոփոխություններ կատարել։ Ուղղակի քաղաքական իրավիճակն այնպես էր, իրադարձություններն այնպես էին զարգանում, որ կառավարությունները մի քիչ հաճախ էին փոփոխվում։ Կառավարության գործը գնահատելու համար առնվազն պետք է 2-3 տարի մինիմում աշխատի, որ երեւա իսկապես ի՞նչ է անում»։
Ռոբերտ Քոչարյանի Սպիտակ կատարած այցելության մասին կարդացեք 2-րդ էջում:
«ՆՍՏԱԾ-ԵԼԱԾ» ԿԱԹՈՂԻԿՈ՞Ս
Կարդացեք նաև
Կաթողիկոսի թեկնածու են ըստ հոգեւոր դասի սահմանած կանոնագրքի եպիսկոպոսները, արքեպիսկոպոսները, որոնք ընտրության օրը միայն կասեն. թողնո՞ւմ են իրենց թեկնածությունը, թե՞ ոչ։ Եթե այնպես ստացվի, որ Արմավիրի թեմի առաջնորդ Ասողիկ եպիսկոպոս Արիստակեսյանը մինչ այդ չհանի իր թեկնածությունը եւ ընտրվի կաթողիկոս, ապա կունենանք «նստած» ու դեռ «չելած» կաթողիկոս։ Այս պահին սրբազանը կալանավորված է եւ մտադիր չէ իր թեկնածությունը հանել։
Ասողիկ Սրբազանի դատի մասին՝ 5-րդ էջում։
«ՆԱԻՐԻՏԻ» ՍՏՈՒԳՈՒՄՆԵՐԻ ՎԵՐՋԱԲԱՆԸ
Հոկտեմբերի 12-ին ձերբակալվել էր «Նաիրիտ» ՓԲԸ-ի գործադիր տնօրեն եւ «Ժողովրդավարական Հայրենիք» կուսակցության նախագահի պաշտոնակատար Գագիկ Ներսիսյանը։ Սակայն նրա առողջական վիճակը վատթարացել էր եւ այժմ նա հիվանդանոցում է։ «Ժողովրդավարական Հայրենիք» կուսակցության ներկայացուցիչներն «Առավոտին» հայտնեցին, որ իրենց քաղխորհուրդը դիմել է գլխավոր դատախազին՝ միջնորդելով խափանման միջոցն ընտրել քաղաքից չբացակայելու ստորագրությունը։
Ի դեպ, «Նաիրիտում» ստուգումներ էին անցկացվում տեւական ժամանակ՝ «Հայրենիք» խմբի քաղաքական ակտիվության փուլերին զուգահեռ։
