Լոռու թեմի առաջնորդ Սեպուհ եպիսկոպոս Չուլջյանը, որ կաթողիկոսական ընտրություններին պետության միջամտության դեմ ամենաակտիվ ընդվզողներից էր, ինքը չի խորշում միջամտել պետության գործերին։ Այսպես, Հովհաննես Թումանյանի 130-ամյակի առթիվ տոնակատարության եւ եկեղեցու օծման ընթացքում նա տեւական ժամանակ գովերգել է Լոռու մարզպետի թեկնածու Սամվել Դարբինյանին, որի լուման այդ եկեղեցում ընդամենը եկեղեցու ճանապարհի մասնակի նորոգումն է, իսկ եկեղեցու կառուցման հովանավորները բոլորովին այլ մարդիկ են։ Նախընտրական քարոզչությունն արդեն սեփական անձի համար ծառայեցնում է կաթողիկոսի տեղապահ Ներսես արքեպիսկոպոս Պոզապալյանը, որի ճառերի հատվածներով գովազդային հաղորդումը երեկ ցուցադրվում էր «Արմենիա» հեռուստաընկերությամբ։
ԻՆՉԸ ԿՀԱՂԹԻ ԸՆՏՐՈՒԹՅՈՒՆՆԵՐՈՒՄ
Շուրջ երեք շաբաթ առաջ Արարատի մարզի գյուղատնտեսության եւ բնապահպանության վարչության պետի պաշտոնին է վերադարձել ՀԺԿ անդամ Հենրիկ Մինասյանը։ Հիշեցնենք, որ Դավիթ Զադոյանը նրան ժամանակին հեռացրել էր աշխատանքից ոչ թե Ռոբերտ Քոչարյանի, այլ Կարեն Դեմիրճյանի թեկնածությունը պաշտպանելու համար։
Կարդացեք նաև
ԱՌԱՋԱԴԻՄՈՒԹՅՈՒՆ ՊՈՌԱԼՈՎ՝ ԵՏ-ԵՏ…
«21-րդ դար» կուսակցության նախագահ Դավիթ Շահնազարյանի գնահատականով, «Սփյուռք-Հայաստան» խորհրդաժողովը վարկաբեկեց այդ գաղափարն իր էությամբ. «Այդ համաժողովն անցնում էր «Ազգովին առաջ՝ դեպի մեր անցյալը» կարգախոսով»։
