ԱՄՆ մեկնած Հայաստանի պատվիրակության կազմում երեք վարչապետներ կային՝ Արմեն Սարգսյանը, Արմեն Դարբինյանը եւ, բնականաբար, Վազգեն Սարգսյանը։ Վերջինիս վերաբերյալ մի հետաքրքրական տեղեկություն էր հայտնել «Ազատություն» ռ/կ-ին կառավարության տեղեկատվության եւ հասարակայնության հետ կապերի վարչության պետ Տիգրան Հակոբյանը. «Վարչապետը ամերիկյան բոլոր պաշտոնյաների հետ հանդիպելիս կոչ է անում օժանդակել հայ-թուրքական հարաբերությունների բարելավմանը»։
ՎԱՏ ԼՈՒՐ
«Հայկական ժամանակ» օրաթերթի հոկտեմբերի 1-ի համարում նշված էր, որ ՀՀ նախագահ Ռոբերտ Քոչարյանը մի քանի օր հանգստացել է OTE ընկերությանը պատկանող մի պանսիոնատում։ «Առավոտի» համար մեկնաբանելով այս լուրը նախագահի մամուլի քարտուղար Վահե Գաբրիելյանն ասաց. «Մեկ անգամ արդեն առիթ եղել էր հերքելու այդ անհեթեթ ասեկոսեն, սակայն դրա հեղինակները կա՛մ չէին հասկացել հերքումը, կա՛մ չեն ցանկանում հասկանալ։ Ասում եմ վերջին անգամ՝ ոչ (нет, no), չի եղել նման բան»։
Կարդացեք նաև
… Կարծում ենք, դեռ երկար ժամանակ Ռոբերտ Քոչարյանը ստիպված կլինի համոզվել, որ զանազան լուրերից, ասեկոսեներից խուսափելու միակ եղանակը ճշմարիտ տեղեկատվության մատուցումն է։ Եվ եթե մասնավորապես թաքցնում են, թե երկրի նախագահը որտեղ, ինչպես եւ ինչ միջոցներով է անցկացնում իր հանգիստը՝ կասկածները չեն փարատվելու անգամ ուշացած պարզաբանումներից հետո։
