Դատախազության կոլեգիայի ժամանակ նշվեց նաեւ Էրեբունու տարածքի ՆԳ քննիչ Ռ. Սիմոնյանի կողմից 19.02.98 թ. հարուցված Հմայակ Հովհաննիսյանի (ոչ քաղաքական գործիչ, այլ՝ լոկոմոտիվային դեպոյի մեքենավար) կողմից ջերմաքարշից 390 լ դիզվառելիքի գողանալու փաստի առթիվ հարուցված քր. գործը։ Արարքը հետագայում վերաորակվել էր 90 հոդ. 2-րդ մասով (նախորդը 86 հոդ. 1-ին մասի հատկանիշներով էր) եւ ուղարկվել դատարան։ Հմայակը դատարանի դահլիճից ազատ էր արձակվել…
Դատախազական հսկողության մասին ավելի մանրամասն կարդացեք էջ 3։
ՀՅԴ-Ն ՆՈՐ ԴԻՐՔԵՐ ԿՆՎԱՃԻ՞
Կարդացեք նաև
Մերձիշխանական շրջանակներում լուրեր են տարածվել դաշնակցականների կադրային 2-3 հնարավոր նշանակումների վերաբերյալ։ Թաթուլ Մանասերյանին սեփականաշնորհման կամ արդյունաբերության փոխնախարար նշանակելու վերաբերյալ արդեն իսկ հրապարակված լուրին հավելենք եւս մեկը։ Տարածքային կառավարման փոխնախարարի պաշտոնի հավակնորդ է համարվում ՀՀ նախագահի ռեֆերենտ Բագրատ Եսայանը, որը ոչ շատ վաղուց տեղական ինքնակառավարման հարցերի հանձնաժողովի քարտուղարն էր։ Վերջինս «Առավոտի» հարցին ի պատասխան ասաց, թե իրեն պաշտոնապես որեւէ առաջարկ չի արվել։
ԱՐՇԱԿԸ ԴԵՌ ՈՉԻՆՉ ՉԻ ՏՎԵԼ
Էներգետիկայի նախարար Դավիթ Զադոյանը խնդրել է ԱԺ պատգամավոր Արշակ Սադոյանին, որ եթե վերջինս ունի ապացույցներ, փաստաթղթեր խավար տարիներին գողացված էլէներգիայի վերաբերյալ, ներկայացնի իրեն։ Հանդիպումը տեղի է ունեցել մի քանի օր առաջ, եւ Արշակ Սադոյանը դեռեւս ոչինչ չի ներկայացրել։
«Առավոտի» հարցազրույցը Դավիթ Զադոյանի հետ կարդացեք 4-րդ էջում։
