ՀՀ կառավարության որոշմամբ, Սուրբ Գրիգոր Լուսավորիչ եկեղեցու շինարարության համար պետք է հատկացվեր մոտ 3 միլիոն դոլարին համարժեք դրամ։ Մինչեւ այսօր կառավարությունը ոչ մի լումա չի տրամադրել եկեղեցուն։ Բյուջեի ճեղքվածքն այնքան խորն է, որ նույնիսկ չի երեւում, թե ո՞ր բյուջեից էր այդ գումարը պոկվելու։
Մարգարիտ Եսայանի ռեպորտաժը եկեղեցու շինհրապարակից կարդացեք 2-րդ էջում։
ՀԱՆԴԻՊՄԱՆ ՎԱՅՐԸ ՃՇՏՎՈՒՄ Է
Կարդացեք նաև
Վաֆա Գուլուզադեն «Թուրան» գործակալությանը հայտնել է, թե աշնանը եւս մի հանդիպում կկայանա Ռոբերտ Քոչարյանի եւ Հեյդար Ալիեւի միջեւ։ Այժմ ճշտվում է հանդիպման ստույգ ժամկետը, վայրը եւ այլն։
ՎԱՐՉԱՊԵՏՆ ԱՅՑԵԼԵԼՈՒ Է ՋԵՐՄՈՒԿ
Այսօր, օրվա երկրորդ կեսին սպասվում է վարչապետ Վազգեն Սարգսյանի այցը Ջերմուկ։ Այցի առթիվ հապճեպ կերպով լցվում են քաղաքի գլխավոր փողոցի փոսերը՝ այնտեղ, որտեղ անցնելու է վարչապետի ճանապարհը։ Գործարարներին կոնկրետ հանձնարարականներ են տրվել, թե ով որտեղ որ հյուրին պետք է «պատիվ տա»։ «Առավոտի» տեղեկություններով, պրն Սարգսյանը գիշերելու է Ջերմուկում, որից հետո մեկնելու է Որոտան-Արփա-Սեւան թունելի շինարարություն։
ԱՆՀԱՎԱՍԱՐ ՊԱՅՄԱՆՆԵՐ
Աջափնյակի թաղապետի թեկնածուներից մեկը՝ ՀՅԴ անդամ Մկրտիչ Սահրադյանը մեզ հայտնեց, որ անարդարությունները սկսվել են դեռեւս ընտրություններից առաջ։ Թաղապետի պաշտոնակատար, թեկնածու Ռաֆիկ Մկրտչյանն ակնհայտորեն ավելի արտոնյալ պայմաններում է։
