Թեեւ պաշտոնապես չի հայտարարվում, թե որտեղ է նախագահ Քոչարյանն անցկացնելու իր 10-օրյա հանգիստը, օդանավակայանին մոտ կանգնած աղբյուրները պնդում են, որ այդ վայրը լինելու է Հունաստանը։
ՆՐԱՆՔ ՍԻՐՈՒՄ ԷԻՆ Ե՛Վ ԳԻՐ, Ե՛Վ ԴԱՎԹԱՐ
Թերթելով ԱԺ գրադարանից նախորդ պատգամավորների օգտվելու մատյանը՝ նկատեցինք, որ օրենքները սերտելու մեջ ամենաժրաջանները Վիկտոր Դալլաքյանը, Վահագն Խաչատրյանը, Էռնեստ Սողոմոնյանն ու ԱԺ ակսակալ Լեոնիդ Հակոբյանն էին։
Կարդացեք նաև
«ԺՈՒՉՈԿՆԵՐ» ՓՆՏՐՈՒՄ ԵՆ ՊԱՐԲԵՐԱԲԱՐ
«Առավոտը» խնդրեց ճշտել ԱԱՆ-ի հասարակայնության եւ մամուլի հետ կապերի ծառայության պետ Արմենակ Մանուկյանին, թե իրականությանը համապատասխանո՞ւմ է մամուլում հրապարակված այն լուրը, թե Սերժ Սարգսյանը գրություններ է ուղարկում ՀՀ բարձրաստիճաններին եւ տեղեկացնում, որ ԱԱՆ-ն պաշտոնյաների աշխատասենյակներում իրականացնում է արտասահմանյան հատուկ ծառայությունների տեխնիկական հետազոտության միջոցներին հակազդելու միջոցառումներ։ «Այստեղ ոչ մի զարմանալի բան չկա,- պատասխանեց պրն Մանուկյանը։- Նախարարությունը նման ստուգումներ կատարում է պարբերաբար»։
ՇՆՈՐՀԱՎՈՐԱՆՔ
«Առավոտը» սրտանց շնորհավորում է ՀՅԴ Հայաստանի ԳՄ անդամ Գեղամ Մանուկյանին եւ «Հայլուրի» թղթակից Լիլիթ Մանուկյանին՝ որդու ծննդյան առիթով։
