Այսօր լրանում է Աջափնյակի համայնքապետի պաշտոնում առաջադրվելու համար հայտ ներկայացնելու ժամկետը։ Աշոտ Աղաբաբյանի նախընտրական շտաբի ղեկավար, ՀՀԿ խորհրդի անդամ, ԱԺ պատգամավոր Գալուստ Սահակյանը երեկ «Առավոտի» հարցին, թե՝ արդյոք պրն Աղաբաբյանն առաջադրելո՞ւ է իր թեկնածությունը, պատասխանեց. «Կուսակցության մեջ այս առնչությամբ տարբեր տեսակետներ կան։ Ես գտնում եմ, որ ավելորդ լարվածություն չստեղծելու համար, Աշոտ Աղաբաբյանն իր թեկնածությունը չպիտի առաջադրի»։ Պրն Սահակյանը նաեւ դժգոհություն արտահայտեց ստեղծված մթնոլորտի առնչությամբ. «Թաղապետ ընտրվելը գերխնդիր են դարձրել, իսկ Աշոտ Աղաբաբյանը նման խնդիր չունի եւ չի ունեցել»։
ՎԱՏ ԼՈՒՐ
ԱՄՆ դեսպանատան մուտքի մոտ գնալով մարդկային հերթերը շատանում են։ Մարդիկ փաստաթղթեր են լրացնում, «նախապատրաստական» հարցազրույցների են մասնակցում։ Երեկ մեր հաշվարկներով ժ. 9-ին արդեն 100-ից ավելի համաքաղաքացիներ կային։ Մեծ էր հատկապես անչափահաս երեխաներով ծնողների թիվը։ Խոսակցությունները, թե մինչեւ 2000 թվական ԱՄՆ-ում հայտնվողներին սպասվում է «գրին քարտ» (մի ծերունի շփոթմամբ «գրիլ քարտ» էր ասում) սին են եւ նպատակ ունեին փաստորեն «հերթ» գոյացնել, «թանկացնել» ոգու հաճույքը… Մի կին հայտնեց, որ 10 անգամ կարող ես գնալ-գալ, մուծել ամեն անգամ 50 դոլար ու մերժվել… Եթե այս տրամաբանությունը գնահատելու լինենք, ապա օրվա մեջ մի քանի անգամ, գնալ «մուծվելը», հետո մերժվելը այլ բանի մասին է խոսում։
