Լեռնային Ղարաբաղի հիմնահարցի շուրջ կարգավորման բանակցությունների հերթական մի փուլի ժամանակ ադրբեջանցիները խիստ անընդունելի պայման էին առաջադրել։ Քրիստիան Տեր-Ստեփանյանն այդ մասին հեռախոսով հայտնում է Հայաստանի առաջին նախագահ Լեւոն Տեր-Պետրոսյանին եւ ստանում՝ «Ասա, թող սիքտիր լինեն» պատասխանը։ «Ի՞նչ կըսեք, չհասկըցա»,- հարցնում է Տեր-Ստեփանյանը եւ ստանում նույն պատասխանը։ Քրիստիանը նորից է հարցնում. «Ի՞նչ կըսեք, չհասկըցա», եւ Լեւոն Տեր-Պետրոսյանը պատասխանում է. «Դու նրանց ասա՝ նրանք կհասկանան»։
ԵՐԳՉՈՒՀՈՒ ՇՆՈՐՀԱՎՈՐԱՆՔԸ
Մեր թերթի ստացած բազմաթիվ շնորհավորանքներից անպայման կցանկանայինք առանձնացնել աշխարհահռչակ երգչուհի Արաքս Դավթյանի խոսքը. «Շատ եմ սիրում ձեր թերթը, գլխավոր խմբագրին։ Հայալեզու թերթերից միայն ձերն եմ կարդում։ Շնորհավորում եմ «Առավոտի» հնգամյա հոբելյանը։ Ձեզ ու ամբողջ հայ հասարակությանը «Առավոտով» բացվող առավոտներ եմ ցանկանում»։
Կարդացեք նաև
ЯВЛЯЕТСЯ ЧЛЕНОМ
Ըստ չճշգրտված տվյալների՝ ՀՀ Ազգային ժողովի նոր ղեկավարությունը միտումներ է դրսեւորում մերժելու նախորդ հանցավոր ռեժիմի վերապրուկները եւ վերադարձնելու ավելի վաղ անցյալին։ Դրա առաջին դրսեւորումը ԱԺ պատգամավորի վկայականի նոր ձեւն է։ Մինչ այժմ վկայականում գրվում էր նրա համարը, պատգամավորի անուն-ազգանունը, որին հետեւում էր «Հայաստանի Հանրապետության Ազգային ժողովի պատգամավոր»։ Նոր ձեւում գրվել է, որ այսինչ-այսինչյանը «հանդիսանում է Հայաստանի Հանրապետության Ազգային ժողովի պատգամավոր»։ Ինչպես տեսնում ենք, միակ նորամուծությունը «հանդիսանում է» արտահայտությունն է։ Սակայն այդ մեկ բառից Կարեն Սերոբիչի ժամանակների չորսուհիսունանոց երշիկի անուշ բույրն է գալիս։
