ՀՀ նախագահի աշխատակազմից տեղեկացրին, որ հուլիսի 3-ի դրությամբ կառավարությունից դեռեւս որեւէ դիմում չեն ստացել, որպեսզի նախագահի հրամանագրով արտահերթ նիստ գումարվի։ Մինչդեռ ԱԺ փոխնախագահ Ալբերտ Բազեյանը չբացառեց օգոստոսին արտահերթ նիստ գումարելու հնարավորությունը։
ՆԱՆԱԳՈՒԼՅԱ՛Ն, ՄԵՂԱՎՈՐ ԵՍ
Մի խումբ ցուցարարներ, «Արմենիա» հյուրանոցի աշխատակիցներ, Ազգային ժողովի առջեւ խոսելով լրագրողների հետ, ասացին, թե արդյունաբերության նախկին նախարար Գառնիկ Նանագուլյանը «Արդշինբանկից» 400 հազար դոլար փոխանցել է «Միդլենդբանկ», իսկ հետո առձեռն ստացել է այդ գումարն արտասահմանում։ Այդ հայտարարության հեղինակը «Արմենիա» հյուրանոցի արհմիության նախագահ Վիգեն Ղազարյանն է։
Կարդացեք նաև
ՏՊԱՎՈՐԻՉ ԱՆՑՅԱԼ
«Առավոտի» տեղեկություններով, ՆԳ նախարար Սուրեն Աբրահամյանը մտադիր է, կամ արդեն Երեւանի ՆԳ վարչության պետ է նշանակել Աշոտ Ղահրամանյանին։ Սույն անձը ծառայել է որպես ոստիկան թե՛ խորհրդային, թե՛ անկախության շրջանում՝ այդ թվում՝ որպես տարբեր տարածքային կառույցների միլպետ, իսկ 80-ականների սկզբին էլ Կոմիտասի վրա գտնվող կույրերի շենքից տուն է ստացել։
ՎԵՐԱՓՈԽՈՒՄՆԵՐ ՆԱԵՎ ՀԱՑԻՎ
Վարչապետ Վազգեն Սարգսյանը կառավարության պաշտոնյաներին ու նաեւ նախարարներին արգելել է առանձնասենյակներում ճաշել։ Պիտի իջնեն՝ ճաշարանում սնվեն եւ ոչ թե պատվիրեն կերակուրն իրենց առանձնասենյակ հասցնել։
