Ջերմորեն շնորհավորում եմ Ձեզ «Առավոտ» օրաթերթի հիմնադրման հինգերորդ տարելիցի առթիվ։ Իր գործունեության ընթացքում «Առավոտը» հասցրել է դառնալ կայացած ամենաընթերցվող թերթերից մեկը եւ ակտիվ մասնակցություն ունենալ հանրապետության հասարակական-քաղաքական կյանքում։ Խոսքի ազատությունը մեր կարեւորագույն ձեռքբերումներից է, եւ մեծ է անկախ լրատվամիջոցների դերն ու պատասխանատվությունը չորրորդ իշխանության ձեւավորման, ինչպես նաեւ երկրում ժողովրդավարական գործընթացների խորացման գործում։ Մաղթում եմ ստեղծագործական հաջողություններ եւ ընթերցողների ավելի մեծ լսարան։
ՌՈԲԵՐՏ ՔՈՉԱՐՅԱՆ.
Երեւան, 30 հուլիսի 1999 թ.
ՁԵՎԱԿԵՐՊՈՒՄԱՅԻՆ ԲԱՌԱԽԱՂԵՐ-1
Կարդացեք նաև
Ներկա արտգործնախարար Վարդան Օսկանյանի այն ձեւակերպումը, թե Ղարաբաղի կարգավիճակը պիտի «ինքնավարությունից բարձր լինի, անկախությունից մի քիչ ցածր», նախկին արտգործնախարար Ալեքսանդր Արզումանյանը համեմատեց լենինյան հայտնի արտահայտության հետ. «Այսօր շուտ է, վաղն ուշ կլինի»։
ՁԵՎԱԿԵՐՊՈՒՄԱՅԻՆ ԲԱՌԱԽԱՂԵՐ-2
Վարդան Օսկանյանի մեկ այլ ձեւակերպման առնչությամբ, թե Ղարաբաղը պիտի լինի «դե-ֆակտո՝ անկախ, դե-յուրե՝ ոչ Ադրբեջանի կազմում», Ալեքսանդր Արզումանյանն ասաց. «Նման կարգավիճակում են ՄԱԿ-ի անդամ բոլոր երկրները՝ բացի Ադրբեջանից. բոլորն էլ դե-ֆակտո անկախ են եւ նրանցից որեւէ մեկը դե-յուրե Ադրբեջանի կազմում չէ։ Այնպես որ, միակ պետությունը, որ Ադրբեջանի կազմում է եւ անկախ՝ հենց ինքը՝ Ադրբեջանի Հանրապետությունն է»։
