Պարզվում է, որ Արմեն Դարբինյանը շատ հարգի է ԱԺ փոխնախագահ Ռուբեն Միրոյանի մոտ։ Չարենցավանի քաղաքապետ ընտրված թեկնածու Կովալենկո Շահգելդյանը, որն արժանացել է ՀԺԿ անդամների աջակցությանը (թեպետ Հանրապետական կուսակցության տեղի կառույցը Դովլաթ Դովլաթյանին է պաշտպանել), «Արժանապատիվ ապագա» կուսակցության անդամ է։ Ասում են, ՀԺԿ-ն նրան պաշտպանեց, երբ նա հանդիպեց Ռուբեն Միրոյանին։ Կենտրոնական պաշտպան Կովալենկոյի եւ, հավանաբար, կիսապաշտպան Բոնդարենկոյի միջոցով մենք հաստատապես կշինենք արժանապատիվ միասնություն։
ՎԱՏ ԼՈՒՐ
Արշակ Սադոյանն «Առավոտի» միջոցով կոչ արեց. «Նորից դիմում եմ մեր փաստաբաններին՝ խնդրելով օժանդակել ինձ, որ գոնե քաղաքացիական հայցի ձեւակերպման հնարավորություն ստանամ եւ ինքս դատի տամ այն մարդկանց, որոնք ոչ միայն երկրին են ահավոր վնասել, այլ (քանի որ ես էլ հարկատու եմ եւ այս երկրի քաղաքացի) անձամբ ինձ, ընտանիքիս եւ շրջապատիս են նյութական վնաս հասցրել։ Օգնեք ինձ վերականգնել ինձ պատճառված վնասը»։ Ով փաստաբաններ, լսեք ձայն բարբառոյ Սադոյանի։
